REDMETEO (meteoroloxía en Galego)

🌧️ Na imaxe do radar vemos xa as primeiras chuvias a piques de entrar pola franxa atlántica. Ao longo da tarde caerán en máis zonas, sendo puntualmente moderadas.

🌦️ Bo día! Noite fresca con algunha xeada en zonas do sur de #Ourense. Agora, pouco a pouco vaise ir anubrando e co paso das horas irán chegando chuvias da man dunha fronte que xa temos ás portas de #Galicia.

Bo domingo! 🥰

👉 Bo día! Madrugada chuviosa en boa parte de #Galicia. O xiro da borrasca, actualmente ao norte, provoca que as chuvias entren dende o oeste. Co paso das horas, as precipitacións van ir a menos e pola tarde pouco ou nada vai caer, á espera dunha nova fronte na madrugada do venres 🌧️

👉 Boa noite! Abrimos a #xaneladiaria do xoves e vemos máis chuvias pola mañá, remitindo pola tarde. Vento do oeste máis forte ao principio, amainando co avance das horas. Pola noite, outra nova fronte

📉 Temperaturas en descenso

#AbreAXanela, e comparte! 🥰

⚠️ ÚLTIMA HORA: Chegando polas Rías Baixas masas de chuvia moi intensa que poden descargar moita auga en pouco tempo, precaución nas vindeiras horas nas estradas, xa que estas intensidades de precipitación teñen bastante risco.

Imaxe do radar das 07:40h:

👉 Bo día! Temos por diante un martes no que o vento do sur vai ir a máis, soprando moi forte nas últimas horas e pola noite. A chuvia caerá de xeito intermitente e será máis probable na marxe atlántica.

A poñerlle lombo 🙂‍↕️

🌥️ Bo día! Bastantes nubes e algunhas chuvias febles no oeste galego, pouca cousa en todo caso. Ventos do oeste frouxos en xeral. O martes, nova borrasca 🌬️

👉 Boa noite! Abrimos a #xaneladiaria do xoves e vemos un aumento das nubes co paso das horas, as chuvias máis intensas chegarán a partir da tarde polo oeste. Vento forte do sur.

🟢Temperaturas sen grandes cambios.

#AbreAXanela, e comparte! :)

👉 Bo día! Por diante un venres tranquilo, con risco dalgún chuvasco no ortegal. Pola noite volverán as chuvias ao extremo sur de #Galicia, caendo máis cantidade no sur de #Ourense. As temperaturas, sen grandes cambios.

👉 Boa noite! Abrimos a #xaneladiaria do xoves e vemos nubes e claros, risco dalgún chuvasco puntual no norte. Ventos fortes do oeste na costa de #Lugo.

📉 Temperaturas en descenso

#AbreAXanela, e comparte! 🥰

🌧️ Mañá espertaremos co marabilloso son da chuvia na meirande parte de #Galicia. A borrasca está lonxe pero a súa fronte asociada tocaranos de cheo durante a xornada do domingo.

A sacar os paraugas! ☂️

👉 Bo día, venres xa!!! De novo xornada marcada polas altas presións con risco de brétemas costeiras no litoral atlántico. No resto, sol con nubes altas. Seguen as temperaturas elevadas para a época do ano.

Ás 10:05, o prognóstico para a fin de semana 🥰

👉 Bo día! Por diante un xoves, de novo, anticiclónico. Sol e nubes altas decorando o ceo. Máis nubes na Mariña e risco de brétemas nas Rías Baixas. Os termómetros baixan un chisco.

A poñerlle lombo 🙂‍↕️

si, iso é certo

Loxicamente estamos a varios días da chegada da fronte e hai que agardar aínda para ver que intensidade vai ter finalmente, pero bueno, polo menos, semella que vai chover e que as temperaturas van baixar, que é o que vai tocando 🥰

As cales achegarán máis humidade e frontes asociadas, comezando polo propio domingo, cando unha fronte atravesará #Galicia, deixando as precipitacións máis abondosas no oeste, como é normal nestes casos, pero a auga semella que chegará a toda a comunidade.

🌧️ Dende aquí, con moita felicidade (non me escondo), coido que xa podo anunciar a primeira fronte activa do que levamos de mes, prevista para o vindeiro domingo 19. E é que a partir do sábado estaremos baixo a influencia das baixas presións durante días.

Segue o fío ⬇️

👉 Boa noite! Abrimos a #xaneladiaria do mércores e vemos moito sol con nubes altas sen importancia, algunhas nubes na Mariña e tamén en zonas altas do interior. Vento frouxo.

🟢 Termómetros sen cambios

#AbreAXanela, e comparte! 🥰

🌤️ Bo día! Imos a por un martes anticiclónico, de sol con máis nubes na Mariña/Ortegal e tamén pola tarde no interior sur onde, de novo, poderá caer algún chuvasco de tipo treboento. As temperaturas, seguen sen grandes cambios, calor para a época.

A poñerlle lombo 🙂‍↕️

👉 Boa noite! Abrimos a #xaneladiaria do martes e vemos moito sol en xeral. Máis nubes na Mariña e Ortegal e tamén pola tarde no interior sur, con risco dalgún chuvasco. Vento frouxo.

🟢 Temperaturas sen grandes cambios

#AbreAXanela, e comparte! :)

👉 Bo día! Imos a por un luns de moito sol en xeral. Teremos risco de nubes baixas na Mariña e tamén nubes de evolución pola tarde no interior que poderían deixar algún chuvasco. As temperaturas, sen cambios, elevadas para a época do ano un día máis 📈

📈 Estas son as temperaturas máximas de hoxe en #Galicia. Outro día de verán, e van.... e quedan uns cantos.

Ás 19:00, o prognóstico da semana

☀️ Bo día! Seguimos con este verán tardío, moito sol en xeral, agás na Mariña onde o nordés acumula máis nubes. Pola contra, no mediterráneo as chuvias seguen a ser protagonistas, con moita intensidade na maior parte dos casos.

Feliz domingo! 🥰

🌤️ Bo día! Comeza un venres e un fin de semana anticiclónico, con máis nubes na Mariña e Ortegal debido ao nordés e moito sol no resto de #Galicia con valores que volverán rondar os 25/26°C. Pola contra, no Mediterráneo segue chovendo forte.

👉 Boa noite! Abrimos a #xaneladiaria do venres e vemos moito sol con algunhas nubes na Mariña e Ortegal. Vento do nordés.

📈📉 Máximas en ascenso e mínimas en descenso

#AbreAXanela, e comparte! 🥰

👉 Bo día! Por diante un xoves de máis nubes no extremo norte, onde se dará algún chuvasco feble. Moito sol no resto de #Galicia, coa circulación de nordés como protagonista. Os termómetros, sen grandes variacións.

A polo xoves!

👉 Bo día! Perdemos transitoriamente a plena influencia do anticiclón. Nubes na metade norte con algún chuvasco, máis sol no sur. Volve o nordés coas temperaturas en descenso, agás nas Rías Baixas, onde subirán moi lixeiramente.

A poñerlle lombo 🙂‍↕️

🌫️ Galicia é emoción meteorolóxica en estado puro

#Redmeteo #Galicia

👉 Xa reparaches en como o tempo en Galicia marca cada momento da nosa vida?
Non só pasa, deixa pegada

Segue o fío ⬇️

👉 Bo día! Martes marcado polas nubes altas que irán decorando o ceo galego. Tamén chegarán nubes baixas a partir da tarde ao oeste debido ao aporte húmido do vento do mar. As temperaturas, en descenso na franxa atlántica, sen cambios significativos no resto de #Galicia.