@lakuga.bsky.social
"Latgalīšu kulturys ziņu portals lakuga.lv” – par latgalīšu kulturu i kulturu Latgolā. Portala saiminīks – latgalīšu kulturys kusteiba "Volūda"
Latgolys regionaluo televizeja dreiži nūslēgs itūvosor aizsuoktuo raidejumu cykla “Latgales pūra lāde – atdzimšana” puorraidi. Pādejū raidejumu par Latgolys dzīduošonys, eipaši apdzīduošonys tradiceju varēs vērtīs 2. i 4. novembrī kanalā TV24, taipat ari 5. novembrī ReTV kanala vierszemis apraidē.
30.10.2025 09:38 — 👍 0 🔁 0 💬 0 📌 0
Pīktajā raidejuma “Kai sorguot?” epizodē sarunā par latgaliskū identitati i tuos nūzeimi vaļsts drūseibā pīsadola Jurs Viļums (“Apvienotais saraksts”), Leila Rasima (“Progresīvie”) i latgalīšu kulturys kusteibys “Volūda” projektu vadeituoja Edeite Laim.
29.10.2025 18:34 — 👍 0 🔁 0 💬 0 📌 0
Pīduovuojam literata Raibuo dzejūļu kūpu nu tūpūšuo kruojuma “Vysi vuordi”.
29.10.2025 07:13 — 👍 0 🔁 0 💬 0 📌 0
Vīnā nu ituo rudiņa Saeimys Cylvāktīseibu i sabīdryskūs lītu komisejis Latgolys apakškomisejis sēdem tyka sprīsts ari par latgalīšu volūdys lūmu 2023. gods Vyspuorejūs latvīšu dzīšmu i deju svātkus i tuos īkļaušonu 2028. gods svātku programā.
#SIF_MAF2025
Oktobra gola kulturys īsacejumus pīduovoj Bolvu nūvoda Bierzpiļs pogosta bibliotekare, gide i folklorys kūpys “Saivenis” dalineica Anna Kriviša. Veļu laikā jei aicynoj aizadūmuot par dzymtys vierteibom, pīsadaleit saļmu dzīduošonā i vaļsts svātku mienesī – novembrī – īsoka pasacīmuot Bolvu nūvodā.
28.10.2025 08:54 — 👍 2 🔁 0 💬 0 📌 0
Rotko muzejs izsludynuojs kasgadejuos Latgolys regiona muokslinīku konkursa izstuodis temu, itūreiz tei ir “Pīrūbežs”.
Kai īrosts, izstuode byus apsaverama muzeja pavasara sezonā, tok muokslinīki teik aicynuoti da 2. janvara tai īsnēgt dorbus.
Sastdiņ, 1. novembrī, latgalīšu kulturys kusteiba “Volūda” aicynoj iz latgalīšu volūdys i kulturys forumu “Vierzeiba”, kurā ar pīredzis stuostim par latgalīšu volūdu i kulturu pīsadaleis latgalīšu volūdys specialisti, Latgolys kulturys dzeivis profesionali i sabīdreibā zynomi latgalīši.
24.10.2025 14:20 — 👍 0 🔁 0 💬 0 📌 0
30. septembrī beja kordirigentis Terēzis Brokys (1925-2018) 100. dzimšonys dīna. Portals lakuga.lv pīduovoj @lnblv.bsky.social muzykys kruojuma ekspertis Eridanys Žibys rokstu par jū.
24.10.2025 13:15 — 👍 2 🔁 0 💬 0 📌 0
Bīdreiba “Latgolys Turysma asociaceja” aicynoj dasaceit pretendentus Latgolys Turysma goda bolvai 2025. Tū var dareit kai uzjāmums, tai privatpersona, NVO i cyti.
23.10.2025 07:41 — 👍 1 🔁 1 💬 0 📌 0
29. oktobrī 16 stuņdēs sevkuram interesentam byus vareiba dasaslēgt tīšsaistis lekcejai “Andryvs Jūrdžs Latgolys kulturviesturē”, kurū skaiteis filologejis doktore, Latvejis Zynuotņu akademejis akademike Anna Stafecka.
22.10.2025 09:09 — 👍 0 🔁 0 💬 0 📌 0
Par tū, kai kultura palīk par propagandys īrūci, raidejuma “Kai sorguot?” 4. epizodē diskutēja propagandys i Krīvejis ītekmis Latvejā pietnīks Mārtiņš Hiršs, RTU Rēzeknis akademejis vodūšuo pietneica Sandra Sprudzāne i žurnaliste, LR Latgolys studejis vadeituoja Renāte Lazdiņa.
22.10.2025 08:12 — 👍 0 🔁 0 💬 0 📌 0
Nu 22. da 25. oktobra Viļņā jau četrpadsmytū reizi nūtiks Storptautyskais baltistu kongress. Tymā itūgod ari latgalistikys vaicuojumim veļteita sekceja “Latgalīšu volūda i cyti baltu volūdu regionalī varianti: multidisciplinari rysynuojumi i pietnīceibys perspektivys”.
22.10.2025 06:32 — 👍 1 🔁 0 💬 0 📌 0
24. i 25. oktobrī Bolvu nūvada Namaterialuos kulturys montuojuma centrā “Upīte” nūtiks seminars “Kopienu informētība un prevencija drošībai potenciālu risku, katastrofu un militāru konfliktu situācijās”, kurā pīsadaleis kulturys, religiskūs instituceju i kūpīnu puorstuovi.
21.10.2025 18:57 — 👍 0 🔁 0 💬 0 📌 0
Ituos nedelis īsacejumus sagatavejs arhitekts Ints Pujāts. Jis īsoka nūslēgt velosezonu ar izbraucīni pa Latgolu, kurā apsavērt ari juo jaunū skulpturu "Latgolys Atlanti".
21.10.2025 16:17 — 👍 0 🔁 0 💬 0 📌 0
Jaunais literats Silvestrs pārņ uzvarēja dzejis slamā latgaliski “Rogovkys dzejis voga” i tyka pi vareibys pīdzeivuot rodūšū rezidenci Lūznovys muižā. Portala lakuga.lv skaiteituojim pīduovojam juo rezidencis laikā radeitūs dzejūļus.
20.10.2025 16:14 — 👍 0 🔁 0 💬 0 📌 0
Daugovpiļs latvīšu i latgalīšu kulturys centra Tradiceju sātā tyka eistynuots projekts “Tradicionalūs prašmu digitalizaceja Tradiceju sātys Vīduo golda ekspozicejis papyldynuošonai”. Projekta laikā tyka sagataveitys četrys eiskinys par tradicionalom omotu prasmem.
17.10.2025 06:10 — 👍 0 🔁 0 💬 0 📌 0
Vīna nu Igaunejis vacuokūs i leluokūs izdevnīceibu “Eesti Raamat” izdavuse rakstnīka Alda Bukša kriminalromana “Bruoli” tulkuojumu igauņu volūdā. Igaunejis skaiteituojim romans daīmams ar nūsaukumu “Velled”, i tū tulkuojs Hanness Korjuss.
15.10.2025 10:51 — 👍 1 🔁 0 💬 0 📌 0
Raidejuma “Kai sorguot?” trešajā epizodē Latgolys rodūši i piļsūniski aktivi cylvāki – dzejneica Ligija Purinaša, Daugovpiļs teatra aktrise Kristīne Veinšteina i storpdisciplinars muokslinīks Kristaps Ancāns – diskutej par muokslinīku lūmu vaļsts aizsardzeibā.
15.10.2025 07:07 — 👍 0 🔁 0 💬 0 📌 0
Bīdreiba “Maziča” eistynuojuse projektu “Ontona Matvejāna mantojums – dziesmas dvēselei”, kura laikā tyka īraksteitys pīcys Matvejāna komponātuos dzīsmis.
14.10.2025 14:59 — 👍 1 🔁 0 💬 0 📌 0
Deveitais diktats latgaliski skanēs Latvejis Radejis 1 eterā latgaliskajā raidejumā “Kolnasāta” sastdīnis, 18. oktobra, vokorā 18.15 stuņdēs, kai i video formatā byus nūsaverams Latvejis Sabīdryskuo medeja portalā @lsm.lv i latgalīšu kulturys ziņu portalā lakuga.lv.
14.10.2025 10:57 — 👍 0 🔁 0 💬 0 📌 0
Kulturys īsacejumus itai nedeļai sagatavejuse Dekteru amaterteatra režisore Ērika Bozoviča. Jei aicynoj napalaist garum Juoņa Pujata 100. jubilejis nūtikšonys, Gaigalovys amaterteatri izruodi Stabuļnīkūs, koncertus Izvoltā i Rēzeknē, kai ari večerinku Saļņovā.
13.10.2025 08:04 — 👍 0 🔁 0 💬 0 📌 0
Kaidu laiku par latgalīšu dzejnīku Juoni Ryučānu dzierdāts mozuok, tok itūrudiņ jis beja īsaisteits vairuokuos 60. Dzejis dīnu nūtikšonuos. Tys Juoņam Ryučānam lics ari pīduovuot plotuokai auditorejai jaunys ailis – lingvistiskū dzeju prozā i haikiskys seikšaļtenis.
10.10.2025 17:46 — 👍 1 🔁 0 💬 0 📌 0
Itymā rudinī Upītē, Daugovpilī, Lūznovā i Atašīnē bīdreiba “Danču krātuve” i bīdreiba “Baltfolk” sadarbeibā ar bīdreibu “Skaņumāja” reikoj bezmoksys tradicionaluos dejis i muzykys meistarklasis, kab dziļuok īsavuiceit tradiceju.
10.10.2025 09:47 — 👍 0 🔁 0 💬 0 📌 0
Beidzamajūs godūs Rēzeknis vaļstspiļsātys vadeiba vysaidu finaņšu problemu, nalykumeibu i pošvalis rezultatā nareši tykuse vaļsts īstuožu i sabīdreibys viereibys centrā. Leidzeigys nabyušonys Rēzeknis piļsātys pošvaļdeibā nūtyka ari storpkaru periodā, ik pa laikam pīsaistūt Latvejis presis interesi.
10.10.2025 06:57 — 👍 0 🔁 0 💬 0 📌 0
Muokslu izgleiteibys kompetencis centra “Latgolys Muzykys i muokslys vydsškola” bārnu kors pedagogu Andys Lipskys i Juoņa Veličko vadeibā sagatavejuši dzīsmi “Lai jau kreit” jaunā aranžejā i tuos videoklipu.
09.10.2025 04:35 — 👍 0 🔁 0 💬 0 📌 0
18. oktobrī 100. dzimšonys dīnā pīminēsim Juoni Pujatu – muokslys zynuotnīku i Latgolys keramikys pietnīku i popularizātuoju.
Kaids eisti beja Juoņs Pujats? Tū lobuok izzynuot paleidzēja juo muosys dāls, ari keramiks Mārteņš Krūņs.
“Kruojums ir muzeja sirds,” soka Latgolys Kulturviesturis muzeja vadeituoja Anastasija Strauta. Tok, kai itū sirdi pasorguot, ka pleist iudiņa vods, izaceļ guņs voi draud kars? Atbiļdis iz itim vaicuojumim mekliejom raidejuma “Kai sorguot?” ūtrajā epizodē.
08.10.2025 06:52 — 👍 0 🔁 0 💬 0 📌 0
Catūrtdiņ, 9. oktobrī, Latvejis Okupacejis muzejā Reigā nūtiks RTU Rēzeknis akademejis profesora i Latgolys Kulturviesturis muzeja viesturnīka Dr. hist. Vladislava Malahovska lekceja “Latgales īpatnības un to vēsturiskā izcelsme”.
08.10.2025 06:06 — 👍 0 🔁 0 💬 0 📌 0
Kab svieteit 40 godu rodūšuos darbeibys jubileju, dzīduotuojs, muziks i akters Andris Baltacs īlyudz iz sirsneigu i kruosainu koncertsereju “Latgalietis pasaulē”. Gaidomi seši koncerti Siguldā, Jelgovā, Talsūs, Ciesīs, Reigā i Rēzeknē.
07.10.2025 14:34 — 👍 0 🔁 0 💬 0 📌 0
Pi skaiteituoju tics žurnala “A12” oktobra/novembra numers, i tymā var puorskaiteit intervejis ar Edgaru Timoškānu, Ivetu Balčūni i Ingu Žirguli, Ingu Kaļvu-Mininu, kai ari cytys sarunys. Taipat redakceja izplatejuse uzsaukumu literatim, aicynojūt īsyuteit dorbus jaunajam tuo atvārumam “Pītura”.
07.10.2025 10:57 — 👍 0 🔁 0 💬 0 📌 0
