RANJINI

cats on a tree

😍😍

126 ദിവസം കൊണ്ട്‌
ആദിത്യ എൽ 1 ലെഗ്രാഞ്ച്‌ പോയന്റിലും എന്റെ കൂട്ട്‌ ഓർമ്മകളിൽ മാത്രവും ആയി.

വി ജെ ജെയിംസിന്റെ ഒരു ഐ ഏ എസ്സുകാരന്‌ എങ്ങനെ പഴങ്കഞ്ഞി കുടിക്കാം?
പോലത്തെ കഥ ഒക്കെ വായിച്ചിട്ട്‌
ഞങ്ങള്‌ ചർച്ച ചെയ്തുചെയ്ത്‌ വേറെ കഥകൾ തന്നെ ഉണ്ടായത്‌
ആദിത്യ എൽ 1 ലോഞ്ചിന്റെ അന്നും പറഞ്ഞു ചിരിച്ചിരുന്നു

കിട്ടുന്ന നുള്ളുനുറുങ്ങുവിവരങ്ങളൊക്കെ
ഒരെട്ടുവയസ്സുള്ള കുട്ടിയുടെ കൗതുകത്തോടെ പോയി പറയാനുള്ള
പറഞ്ഞാൽ കേൾക്കും എന്നുറപ്പുള്ള
ആ കൂട്ട്‌ നഷ്ടപ്പെടൽ ഒരു സ്ഥിരനഷ്ടമാണ്‌.
ഞാനോ,
ദിവസവും എന്നോണം ഇത്‌ അറിയുന്ന കാലത്തിലൂടെ പോകുകയും.

ഏതാണ്ട്‌ കോരപ്പാപ്പന്റെ കുന്നംകുളത്തെ തുരങ്കങ്ങളേപ്പോലെ ചെന്നൈയുടെ അടിയിലും തുരങ്കങ്ങളാണ്‌.
ഒക്കെ മെട്രോന്റെ ആന്നേയുള്ളൂ.

എന്നാലും, ഒരുപാടു കാലത്തിനു ശേഷം ഇഷ്ടായിട്ടൊരു സിന്മ കണ്ടു. ‌ ഫാലിമി.

ഫാലിമീലെപോലത്തെ അച്ഛനും മോനും ഒക്കെ ശരിക്കും ഉണ്ടാവോ എന്ന് ചോദിച്ചതിനു മക്കൾസ്‌ എനിക്ക്‌ ലോകവിവരമില്ലാത്തൊരു ജീവി എന്ന സഹതാപം ചൊരിഞ്ഞു തന്നു.
ചിരിച്ചു വിട്ടു.
ഞാനതിനങ്ങനത്തെ ഫാലിമി കണ്ടിട്ടേയില്ലല്ലോ.

😍😍

നീലാകാശത്തെ കൂട്ടുകാരേ, എല്ലാവർക്കും സ്നേഹം നിറഞ്ഞ ന്യൂയിയറാശംസകൾ!!
🤗

ക്യാമറയില്ലാതെ, മൊബെൽ ഇല്ലാതെ
മനസ്സ്‌ സ്വന്തമായി എടുത്തുവെച്ച
സെൽഫികളുടെ ആൽബമാണ്‌ ഏറ്റവും വിലപിടിപ്പുള്ള സൂക്ഷിപ്പ്‌.
ഒരു നോട്ടം, ഒരു ചിരി, എന്നുവേണ്ട
കണ്ണിൽ നനവു വരാതിരിക്കാൻ കഷ്ടപ്പെട്ടൊതുക്കിയ സങ്കടം പോലും ആ ഫോട്ടോകളിൽക്കാണാം.

തുറന്നു വന്നപ്പൊ
നീലപ്പൂമ്പാറ്റ!!

നോക്കുമ്പൊ അതാ
ബ്ലൂസ്കൈയിലൊരു വെള്ളപ്പൂമ്പാറ്റ!!

I just asked my dear friend
ബ്ലൂസ്കൈയ്‌ല്‌ ണ്ടോ?
ഇല്ലാന്ന് പറഞ്ഞു.
എനിക്ക്‌
ഇൻവൈറ്റ്‌ കോഡ്‌ കിട്ടിയപ്പൊ ‌ വേണോന്ന് ചോദിക്കാൻ ചെല്ലുമ്പൊഴേക്കും ആൾ മരിച്ചുപോയി.
ഇപ്പൊ ഇതിൽ വരുമ്പൊ ഒക്കെ അതോർമ്മവരുന്നു.

ഇനിയില്ല is equivalent to
ഇനിയെപ്പോഴും മനസ്സിൽ മാത്രമാണ്‌.

അതുപോലുമെന്തൊരൂർജ്ജമാണ്‌!!
താങ്ക്യൂ😍

നവി പോയതും ഒരൊക്ടോബറിലായിരുന്നു.
നശിച്ച മാസം.

ഇനി എന്റെ സമയം വരുന്ന വരെ
ഇതൊക്കെ സഹിച്ചങ്ങനെ പോണം. ഒരുപാട്‌ താങ്ക്യൂ പറയാൻ വെച്ചതൊക്കെ ഇവിടെ പറയട്ടെ. എവിടേലും ഇരുന്ന് ഈ പതംപറച്ചിലൊക്കെ വായിക്ക്‌ ട്ടോ.
ചിരിക്കാൻ നിനക്കൊരു വകുപ്പായല്ലോ.

ലേശം അസൂയയാണിപ്പൊ തോന്നുന്നത്‌. ഈ നശിച്ച ലോകത്തുനിന്ന് ഇത്രയും വേഗം നീ രക്ഷപ്പെട്ടതിൽ.

ഞാനാണ്‌ തട്ടിപ്പോകുന്നതെങ്കിൽ നീയെന്തുചെയ്യും എന്ന ചോദ്യം തിരിച്ചും കിട്ടി.
ഞാൻ മരിക്കും വരെ നമ്മൾ ഈ ഭൂമിയിലുണ്ടാവുമല്ലോ, പിന്നെന്താ?
എന്നാ മറുപടി പറഞ്ഞത്‌.

ഡെൽറ്റാവൈറസിന്റെ ആക്രമണത്തിൽപ്പെട്ട്‌ ബുദ്ധികെട്ട ഏതോ നേരത്ത്‌ "ഞാനെങ്ങാൻ തട്ടിപ്പോയാ വാട്സാപ്പിൽ ഫോട്ടോയിൽ റോസാപ്പൂവെച്ച്‌ ആറൈപ്പി ഒന്നും സ്റ്റാറ്റസ്‌ ഇടരുത്‌ ട്ടോ"
എന്നു ഞാൻ ആരോടുപറഞ്ഞോ അയാൾ ഈ ലോകത്തുനിന്ന് രക്ഷപ്പെട്ടുപോയി.
ഇത്രേയുള്ളൂ മനുഷ്യന്റെ കാര്യം.

ഇനി ഒരിക്കലും സൃഷ്ടിക്കാനോ നശിപ്പിക്കാനോ കഴിയാത്ത ഊർജ്ജം തന്നു പോയവരെ,
ജീവനിൽ തന്മാത്രകളായും ആറ്റങ്ങളായും കലർന്നവരെ,
ഓർമ്മകളിൽ നിന്നു വേർതിരിച്ചെടുത്ത്‌
അക്ഷരങ്ങളാക്കാൻ നോക്കുന്ന
നേരത്താണ്‌
നിസ്സഹായത വന്നു പൊതിയുക.

അമ്മേ,
ഏതുസങ്കടത്തിലും ഓർത്തു സമാധാനിക്കാൻ
ഏതു തളർച്ചയിലും ഓർത്തു
പിടഞ്ഞെണീക്കാൻ
ഏതു സന്തോഷത്തിലും ഓർത്തു
തുള്ളിച്ചാടാൻ
ഒക്കെയുള്ള വാക്കുകൾ നേരത്തേ പറഞ്ഞുവെച്ചിട്ടുണ്ടല്ലോ.....

എന്റെ കുഞ്ഞുവാവയെപ്പോലെയാണ്‌
നീയുറങ്ങുന്നത്‌.
ഉണർത്താതെ നെറ്റിയിലൊരുമ്മവെച്ച്‌
എന്റെ ഉറക്കം വരെ
നമ്മളിങ്ങനെ....

അത്രമേൽ വിശുദ്ധമായ്‌
അത്രമേലഗാധമായ്‌
അത്രമേൽ സ്വയം സമർപ്പിതമായ്‌
സ്നേഹിക്കയാൽ.....

😃

എന്നാലും
ഒരിക്കൽ സ്നേഹിച്ചവരെ എന്നും സ്നേഹിച്ചുകൊണ്ടേയിരിക്കുന്നു
അവർക്കു വേണ്ടപ്പോൾ കൂടെയിരിക്കുമെന്നുറപ്പുകൊടുക്കുന്നു
അങ്ങനെ നൂറ്റൊന്നുശതമാനം ജീവിക്കുന്നു.

അല്ലാത്തപ്പോൾ കലഹിക്കുന്നു
പരാതിപറയുന്നു
ആത്മാഭിമാനത്തിനു ക്ഷതം പറ്റുമ്പോൾ കോപിച്ച്‌
തിരിഞ്ഞുനടക്കുന്നു...

ഞാനെന്റെ കടമകൾ നൂറുശതമാനം ആത്മാർത്ഥമായി ചെയ്യുന്നു
അതേ ആത്മാർത്ഥതയോടെ എന്റെ അവകാശങ്ങൾ സംരക്ഷിക്കപ്പെടുന്നെന്ന് ഉറപ്പാക്കുന്നു

എന്നോളം അവനവനു വേണ്ടി ജീവിച്ചവർ കുറവായിരിക്കും. എന്റെ ഓരോ സെക്കന്റ്‌ ജീവിതവും എനിക്കുവേണ്ടിത്തന്നെയാണ്‌.
❤️

കുറ്റാക്കുറ്റിരുട്ടിൽ മിന്നാമിനുങ്ങിന്റെ ഒരു സംഘം അങ്ങനേ പോകുന്നത്‌ നോക്കി നിന്നിട്ടുണ്ടോ?
ചുറ്റുമുള്ളതെല്ലാം മറന്ന് മറ്റൊരു മിന്നാമിനുങ്ങായി,
ഒരു വെളിച്ചപ്പൊട്ടായി,
മനസ്സ്‌ എവിടെയോ എത്തിക്കഴിഞ്ഞിരിക്കും.

തൊട്ടു, ഇന്നലെ