amr

انا هفضل منتمي للفترة دي وبحبها هفضل منتمي لحكايات أبلة فضيلة ، تواشيخ النقشبندي ، كلمتين وبس ل فؤاد المهندس، والصوت الخالد وهو بقول إذاعة القرآن الكريم من القاهرة،هفضل منتمي للراديو وشكل البيوت القديمة،الأخلاق القديمة هفضل منتمي لكل شيء من ريحة زمان قبل ما يسوق القبح كل جميل كان

اوعى تعود مراتك ع حاجة وتبطل تعملها زي انك تبوسها ف أول النهار و آخر النهار ، الست بتتأثر بالحاجات دي ، الحاجات دي عندها اهم من حياتها يومها، الحاجات دي بطمنها بتخليها مستقرة وان لسه ف رغبة وحب وحاجات صغيره موجودة مهما الزمن خدنا وبقينا بنجري بس يفضل الحلو اننا فاكرين الحلو

حبيبي ♥️

كوباية قهوة أجمل من لوحة موناليزا 😂 ♥️

مش ناويين تكبروا يا جماعة وتبطلوا تنشروا صور الناس قبل وبعد عشان تثبتوا وجهة نظر مريضة، طب مش ناويين تكبروا ع استخدام سلاح المصلحة ومين استفاد من مين ومين كان فقير ونط ع كتاف التاني ،مش ناويين تبطلوا العفن الفكري اللي ماشيين ترموه ف كل مكان، من العوضي و ياسمين ل عمرو أديب و لميس

دي طلعت صاحبة لميس الحديدي و لميس اللي عرفت عمرو أديب عليها، قلنا مليون مرة مليون مرة الصحاب بره البيوت رجالة وستات ، عدو المرأة الوحيد هى المرأة والله

‏انا طول الوقت بدور ع مبرر واحد يخلي اتنين ينهوا رحلتهم ب 25 سنة جواز بقرار طلاق، هو العمر اصلا ف كام 25 سنة تانيين عشان ترجع تجرب وتعيش وتفهم شخص تاني بتفاصيل تانية، ده أذى واضح و عمقه كبير جوه الراجل و الست، المبرر الوحيد عندي ان معظم الرجالة مصطفى أبو حجر و الستات دراما كوين

كان لازم ف يوم الصورة تكون كاملة كان لازم الكل يشوف الوش ده ، مكنش ينفع يفضل مجرد صوت صوت خلنا نصدق ف نفسنا ف قوتنا ف نصر الله لينا حتى و الكل سايب، استشهد ابو عبيدة او حذيفة ومفيش أجمل من وداع ف مرتبة الشهداء 💔♥️

الواحد كان طول الوقت عايش ع آمل بسيط ان ابو عبيدة يكون عايش رغم ان كل حاجة كانت بتقول لا، بس فكرة الأمل نفسها كانت بتصبر الواحد ع خبر خايف اصدقه و صدقته خلاص ، استشهد صوت الأمة استشهد أقوى ما ف الأمة استشهد ابو عبيدة 💔🇵🇸😢

بحب ف أحمد السعدني انه من وقت وفاة مراته وهو ف حاله لا بنسمع بحب مين ولا ارتبط بمين ويمكن ده سببه أحداث وفاة مراته انه حاسس بذنب ناحيتها

عمري ما استغربت حب أحمد الفيشاوي للستات الكبيرة خصوصاً شيرين رضا
ده جينات طفولية حقيرة 😂😂

يعني ريهام عبدالغفور كده بتعني من أزمة منتصف العمر ، ف مقولة شهيرة بتقول عدو المرأة الوحيد هى المرأة

هفضل طول الوقت ضد فكرة ان راجل يشرح كيفية الهرمونات لبنات ف صورة تعليم ،هفضل ضد ان دكتور يكون مسؤول عن ولادة ست، وكل حاجة متعلقة بالست زي دكتور النفسية كده ،هفضل طول الوقت ضد راجل وست 24 ساعة قدام بعض تحت مسمى وظيفي لعين، هفضل ضد كل حاجة آخرها معروف حتى لو كانت باين فيها المعروف

معرفش ايه لازمة المشهد ده ف الثياق الدرامي اكيد ف سبب 😂

بقولك التحرش بالأطفال جديد ع المجتمع
مجتمع مين ده مشهد نعيم ف فيلم بحب السيما يتحاسب عليه المجتمع كله 🔞 تحرش جسدي و لفظي إتلاف عقل طفل بإمتياز

ويروح و ينساها و تدبل بالشتي

عيب يا بيبو لما جمهور الأهلي كله يكون شايف ان ف نواقص كتير ف الفرقة وان نص الفرقة دي متستحقش تمشي جنب سور النادي متلبسش تيشيرت النادي،عيب ان الكل يكون شايف ان محمد شريف انتهى و كوكا لاعب فرقة متوسطة،و داري مخلص و افشة عايش ع القاضية والدفاع أسوأ من صوت حمو بيكا وانت مش شايف كل ده

الناس اللي بترمي اللوم ع ييس توروب عقولهم فين بفكروا منين افهم بس، انت بتلوم ليه و أزاي، ده الراجل معندوش اي إمكانيات تخليه يكسب شوية أطفال بأشكال زي محمد شريف و العش و طاهر، انت يا جمهور عادي عارف ان اللعيبة دي ملط ازاي عايز توروب يلبسهم بدلة شيك وعقولهم كلها مليانه قشف كروي

قلتها كتير و هقولها تاني اللي صدق ف محمد شريف و رجعه من السعودية بعد الضحك اللي كان بقدمه هناك ف موسمين هدفين يستاهل الفضيحة دي ، اللي صدق ف محمد شكري عشان كام تصويبه يستاهل الفضيحة دي ،اللي لسه مصدق ف طاهر عشان احتفالات كل بطول يستاهل، اللي مصدق ف أشباه اللعيبة دي ينضحك عليه

محدش يقولهم ع المطبخ تاني يا جماعة 😂

بقت احس ان النقاب بقي يستخدم للإستخدام الدنيوي فقط، غطي عشان لازم تغطي اخفي عشان محدش يعرفك، النقاب بقي بعيد كل البعد عن قيمته الثابتة والرئيسية ف معتقدات دين كبرنا عليها

بعيد عن اللي بيحصل
الحواجب دي بقت كتير و مؤذية والله 😂

رجعت الشتوية ♥️

مصر 2000 vs مصر 2024

الموود المفضل ♥️

الله يخربيت نتفيلكس

هما يومين ع وش الأرض

لما تقوم يوم السبت عشان تبدأ معاناة أسبوع جديد من الرحلة

عشان دول من Egypt
لكن دول من مصر

حوار الكروت ده هيخلي الناس ترجع تبعت كلمني شكرا لبعض