RFI ខេមរភាសា / Khmer

អ្នកការពារសិទ្ធិមនុស្សស្នើឲ្យទម្លាក់បទចោទលើ លោក ស៊្រុន ស៊្រន និងសកម្មជន២នាក់ទៀត អ្នក​ការ​ពារ​សិទ្ធិ​មនុស្ស​ទទូច​ឲ្យ​សាលា​ដំបូង​រាជ​ធានី​ភ្នំ​ពេញ​ទម្លាក់​ចោល​បទ​ចោទ​ទៅ​លើ ​លោក​ ស៊្រុន ​ស៊្រន អ្នក​ផ្សព្វ​ផ្សាយ​កិច្ច​ព្រម​ព្រៀង​សន្តិភាព​ក្រុង​ប៉ារីស​ និង​សកម្មជន​២នាក់​ទៀត​ នៅ​ក្នុង​សំណុំ​រឿង​«ញុះញង់»​ ខណៈ​ពួកគេ​ត្រូវ​បាន​ដាក់​ឲ្យ​ជាប់​ឃុំ​ជាង​១៥​ខែ​។ ​ការ​ស្នើ​នេះ​ធ្វើ​ឡើង​ បន្ទាប់ពី​តុលាការ​ជាន់​ទាប​ បាន​បើក​សវនា​ការ​សួរ​ដេញ​ដោល​ជន​ជាប់​ទាំង​៣​នាក់​ នៅ​ថ្ងៃទី​២១​ ខែ​វិច្ឆិកា ​ឆ្នាំ​២០២៥ ​តែ​បាន​ប្រកាស​បន្ត​សវនា​ការ​ទៅ​ថ្ងៃ​ក្រោយ​ដោយ​មិន​បាន​កំណត់​ពេល​ជាក់​លាក់​។

អ្នកការពារសិទ្ធិមនុស្សស្នើឲ្យទម្លាក់បទចោទលើ លោក ស៊្រុន ស៊្រន និងសកម្មជន២នាក់ទៀត

ជប៉ុន​ព្រម​​ឱ្យ​​មជ្ឈមណ្ឌលនុយក្លេអ៊ែរ​ដ៏​ធំ​ជាង​គេ​បំផុត​​នៅ​លើលោក ចាប់​ដំណើរការ​ឡើង​វិញ ជិត​១៥​ឆ្នាំ​​ក្រោយ​គ្រោះ​មហន្តរាយ​នុយក្លេអ៊ែរ​នៅហ្វូគូស្ហ៊ីម៉ាឆ្នាំ​២០១១ ​ជប៉ុន​បានសម្រេច​បើក​មជ្ឈមណ្ឌលនុយក្លេអ៊ែរ​ដ៏​ធំជាង​បំផុត​នៅ​លើ​ពិភពលោក ​ឱ្យ​​​​ដំណើរការ​ឡើង​វិញ។ ​អាជ្ញាធរ​មូល​ដ្ឋាន​ទើប​ព្រម​ផ្តល់​​ការ​អនុញ្ញាត​នៅ​ថ្ងៃសុក្រ​ទី ២១​វិច្ឆិកានេះ។

ជប៉ុន​ព្រម​​ឱ្យ​​មជ្ឈមណ្ឌលនុយក្លេអ៊ែរ​ដ៏​ធំ​ជាង​គេ​បំផុត​​នៅ​លើលោក ចាប់​ដំណើរការ​ឡើង​វិញ

បារាំង​រក​កន្លែងឈរជើងជា​​ថ្មីនៅអាហ្វ្រិក ប្រធានាធិបតី​បារាំង​ លោក អេម៉ានុយអែល ម៉ាក្រុង ​​បំពេញ​ទស្សនកិច្ចមួយ​ជុំ​អាហ្វ្រិក ដោយ​ចាប់ផ្តើម​ពីកោះ​ ម៉ូរីស ហើយបន្តទៅ អាហ្វ្រិកខាងត្បូង និង ហ្គាបុង មុន​នឹង​បញ្ចប់​នៅ​ អង់ហ្គោឡា។ ទស្សនកិច្ចនៅ​តំបន់​អាហ្វ្រិក​លើក​​នេះ ត្រូវ​វិមាន​ប្រធានាធិបតី​អេលីហ្សេ ពន្យល់ថា ដើម្បី​រឹត​ចំណង​ទាក់ទងផ្នែក​​សេដ្ឋកិច្ច វប្បធម៌ និងការ​សិក្សាជាន់​ខ្ពស់​។ តែ​ អ្នក​វិភាគភូមិសាស្ត្រ​នយោបាយ គិត​ឃើញថា បារាំង​កំពុង​តែរក​ទីតាំង​ឈរជើងជាថ្មី​នៅអាហ្វ្រិក ក្រោយ​ពីត្រូវ​គេ​បណ្តេញទាត់​ចេញ​ពី​​​តំបន់សាហែល។​ ​

បារាំង​រក​កន្លែងឈរជើងជា​​ថ្មីនៅអាហ្វ្រិក

កម្មវិធីព័ត៌មានប្រចាំថ្ងៃសុក្រ ទី២១ ខែ ​វិច្ឆិកា ឆ្នាំ២០២៥

កម្មវិធីព័ត៌មានប្រចាំថ្ងៃសុក្រ ទី២១ ខែ ​វិច្ឆិកា ឆ្នាំ២០២៥

NGO៖ កុមាររងគ្រោះដោយគ្រឿងផ្ទុះ កើនឡើងដល់កំរិតកំពូលនៅឆ្នាំ២០២៤ នៅ​ឆ្នាំ​២០២៤ ចំនួន​​​កុមារស្លាប់និង​របួស​ នៅ​​ក្នុង​តំបន់​មានជម្លោះប្រដាប់​​​អាវុធ បាន​កើន​ឡើងច្រើនមិនធ្លាប់​មាន​ទេ គិត​ចាប់​តាំងពី​​អង្គការ​សហប្រជាជាតិ​ផ្តើម​ធ្វើ​កំណត់ត្រា​មក​។ នេះបើ​តាម​របាយការណ៍​របស់​អង្គការ​ក្រៅ​រដ្ឋាភិបាល Save the Children ដែល​សម្គាល់​ថា​ ការ​ផ្ទុះ​អាវុធ​ ជា​ពិសេស​​ការ​ទម្លាក់​គ្រាប់​បែក និងការ​វាយប្រហារ​តាមផ្លូវ​អាកាស​ បាន​​គំរាមកំហែង​ជីវិត​កុមារ​ខ្លាំង​ជាង​គេ​។

NGO៖ កុមាររងគ្រោះដោយគ្រឿងផ្ទុះ កើនឡើងដល់កំរិតកំពូលនៅឆ្នាំ២០២៤

ជប៉ុនប្រកាសមហាផែនការជំរុញ​សន្ទុះសេដ្ឋកិច្ច តែប្រកបដោយទំនួល​ខុសត្រូវ រដ្ឋាភិបាលជប៉ុន បានប្រកាស​គម្រោងផែនការកែទម្រង់នយោបាយថវិកា និងផ្តល់សន្ទុះសេដ្ឋកិច្ចដោយបញ្ចេញសាច់ប្រាក់ ប្រមាណ ១១៧ ពាន់លានអឺរ៉ូ។ ការប្រកាសចេញនូវគម្រោងផែនការថ្មីនេះ ធ្វើឡើង ខណៈពេល​ដែលប្រទេសជប៉ុន កំពុងប្រឈមមុខខ្លាំងនឹងវិបត្តិអតិផរណា ដែលធ្វើឲ្យទំនិញឡើងថ្លៃខ្ពស់ ហើយ​តម្លៃលុយយេន ចុះថោកជាច្រើនខែជាប់ៗគ្នា។

ជប៉ុនប្រកាសមហាផែនការជំរុញ​សន្ទុះសេដ្ឋកិច្ច តែប្រកបដោយទំនួល​ខុសត្រូវ

CNA៖ មជ្ឈមណ្ឌលឆបោកអនឡាញនៅកម្ពុជាមិនបានបាត់ទៅណាទេ សារព័ត៌មានសិង្ហបុរី Channel News Asia បានចុះផ្សាយនូវអត្ថបទវិចារណកថានៅថ្ងៃសុក្រ ទី២១ ខែវិច្ឆិកានេះថា មជ្ឈមណ្ឌលឆបោកអនឡាញនៅកម្ពុជាមិនបានបាត់រលត់ទៅណាទេ និងថា ការបង្ក្រាបចុងក្រោយធ្វើឡើងតែទៅលើជនល្មើសតូចតាច និងគ្រាន់ជាល្ខោនបំភាន់ភ្នែកអន្តរជាតិប៉ុណ្ណោះ។

CNA៖ មជ្ឈមណ្ឌលឆបោកអនឡាញនៅកម្ពុជាមិនបានបាត់ទៅណាទេ

ព្រះអង្គម្ចាស់ ធម្មិកោ៖ អាជ្ញាធរមិនព្រមចេញលិខិតបញ្ជាក់អត្តសញ្ញាណឲ្យខ្ញុំ ព្រះអង្គម្ចាស់ ស៊ីសុវត្ថិ ធម្មិកោ សមាជិកព្រឹទ្ធសភាកម្ពុជា បានមានបន្ទូលប្រាប់វិទ្យុបារាំងអន្តរជាតិ RFI នៅថ្ងៃទី ២១ វិច្ឆិកានេះថា ព្រះអង្គកំពុងជួបបញ្ហាទាល់ច្រកដោយសារតែតែព្រះអង្គខ្វះឯកសារដើម្បីបន្តបណ្ណបើកបរដែលបានផុតសុពលភាព។ ខ្វះឯកសារព្រោះព្រះអង្គគ្មានសំបុត្រកំណើត និងគ្មានអត្តសញ្ញាណបណ្ណ។ បើតាមព្រះអង្គម្ចាស់ ធម្មិកោ ព្រះអង្គបានទៅសុំអាជ្ញាធរមូលដ្ឋានដើម្បីចេញលិខិតបញ្ជាក់សំបុត្រកំណើតជាច្រើនដងដែរ ទាំងនៅភ្នំពេញ និងនៅខេត្តសៀមរាប តែអាជ្ញាធរមិនបានចេញជូនទេ ពោលមានរយៈប្រមាណ ២០ឆ្នាំ ចាប់តាំងពីទ្រង់យាងពីប្រទេសបារាំងមកនៅកម្ពុជាវិញ។ ទោះជាយ៉ាងណា បន្ទាប់ពីទ្រង់បានបង្ហោះសារបែបនេះលើបណ្តាញសង្គម ខាងមន្ត្រីអត្តសញ្ញាណកម្មក៏បានទាក់ទងមកកាន់ព្រះអង្គដើម្បីសួរនាំ៕

ព្រះអង្គម្ចាស់ ធម្មិកោ៖ អាជ្ញាធរមិនព្រមចេញលិខិតបញ្ជាក់អត្តសញ្ញាណឲ្យខ្ញុំ

លោក ខូយ រីដា៖ ពលរដ្ឋជាង ១០០គ្រួសារកំពុងរងផលប៉ះពាល់ដោយសារទឹកជំនន់ ទឹកជំនន់ក្នុងក្រុងពោធិ៍សាត់ កំពុងបន្តគំរាមកំហែងសុវត្ថិភាពរបស់ប្រជាពលរដ្ឋ។ លោក ខូយ រីដា អភិបាលខេត្តពោធិ៍សាត់ បានប្រាប់វិទ្យុបារាំងអន្តរជាតិ នៅថ្ងៃសុក្រទី២១ខែវិច្ឆិកានេះថា ស្ថានភាពទឹកជំនន់បន្តរុលចូលក្រុងពោធិ៍សាត់ និងស្រុកកណ្តៀង ដែលបង្ខំចិត្តឲ្យអាជ្ញាធរត្រូវជម្លៀសប្រជាពលរដ្ឋ ជាពិសេសជនចាស់ជរា ទៅរកទីទួលសុវត្ថិភាព។ តាមរបាយការណ៍បឋម អភិបាលខេត្តពោធិ៍សាត់ បានបញ្ជាក់ថា មានពលរដ្ឋជាង ១០០គ្រួសារកំពុងរងផលប៉ះពាល់ពីគ្រោះទឹកជំនន់។ លោក ខូយ រីដា អះអាងថា អ្វីដែលអាជ្ញាធរមូលដ្ឋាន អាចធ្វើបន្ទាន់បាន គឺជួយជម្លៀស និងដឹកស្បៀងអាហារជូនប្រជាពលរដ្ឋ ដែលរងផលប៉ះពាល់ជាក់ស្តែង។

លោក ខូយ រីដា៖ ពលរដ្ឋជាង ១០០គ្រួសារកំពុងរងផលប៉ះពាល់ដោយសារទឹកជំនន់

លោក លី យ៉ុងផាត់៖ ខ្ញុំគ្មានលុយទុកឲ្យអាជ្ញាធរថៃរឹបអូសនោះឡើយ លោកអ្នកឧកញ៉ា លី យ៉ុងផាត់ ប្រធានសមា​គមឧកញ៉ាកម្ពុជា បានចេញលិខិត​មួយ​នៅថ្ងៃទី១៤ ខែវិច្ឆិកា ឆ្នាំ២០២៥ ​ដោយបាន​បដិសេធទៅលើរាល់ការចុះផ្សាយ​​របស់សារព័ត៌មានថៃ។ សារព័ត៌មានថៃ ​ដែលផ្សាយថា អាជ្ញាធរខ្លួន​បានបង្កកទ្រព្យ​​សម្បត្តិក្នុងប្រទេសថៃ​របស់លោក លី យ៉ុងផាត់ ដែលបានមកពីការ​លាងលុយកខ្វក់​ និងអំពើឆបោកតាមអនឡាញ។ ការចេញមកបដិសេធរបស់ លោក លី យ៉ុងផាត់ គឺក្រោយពីតុលាការថៃ នៅថ្ងៃទី៦ ខែវិច្ឆិកា បានចេញដីកាចាប់ខ្លួន លោក លី យ៉ុងផាត់ និងអ្នកជាប់ពាក់ព័ន្ធ ៤នាក់ទៀត ព្រមទាំងប្រកាស​រឹបអូសទ្រព្យសម្បត្តិ ដែលគិតជាទឹកប្រាក់ ៤០០លានបាត ឬជាង ១២លានដុល្លារអាមេរិក។

លោក លី យ៉ុងផាត់៖ ខ្ញុំគ្មានលុយទុកឲ្យអាជ្ញាធរថៃរឹបអូសនោះឡើយ

វត្តមានអ្នកទេសចរតាមនាវាជាសក្តានុពលមួយទៀតសម្រាប់វិស័យទេសចរណ៍កម្ពុជា គិតត្រឹមពាក់កណ្តាលខែវិច្ឆិកា ឆ្នាំ២០២៥ កំពង់ផែខេត្តព្រះសីហនុបានទទួលការសុំចតនាវាទេសចរណ៍អន្តរជាតិចំនួន ១៩គ្រឿងដែលផ្ទុកភ្ញៀវទេសចរ និងនាវិកជាង ២ម៉ឺននាក់។ វត្តមានអ្នកទេសចរ តាមរយៈនាវានេះត្រូវបានអ្នកជំនាញសេដ្ឋកិច្ចមើលឃើញថា ជាចរន្តមួយជួយឲ្យវិស័យទេសចរណ៍ផ្លូវទឹកមានដំណើរការ និងជួយជំរុញបន្ថែមឲ្យមានចំណូលសេដ្ឋកិច្ចរបស់ប្រទេសកម្ពុជា។

វត្តមានអ្នកទេសចរតាមនាវាជាសក្តានុពលមួយទៀតសម្រាប់វិស័យទេសចរណ៍កម្ពុជា

ជនជាតិហុងគ្រីព្រម​ប្រគល់រតនវត្ថុសិល្ប:ខ្មែរឱ្យ​កម្ពុជាវិញ បន្ទាប់ពីការចរ​ចាគ្នារវាងក្រសួងវប្បធម៌កម្ពុជាអស់រយៈពេលជាច្រើនឆ្នាំ នៅទីបំផុត លោក István Zelnik ជនជាតិហុងគ្រី និង​ជាអ្នកកាន់កាប់សមុច័្ចយឯកជនម្នាក់ បានព្រមព្រៀង​​ប្រគល់​​វត្ថុសិល្បៈបុរាណខ្មែរទាំងអស់ឱ្យ​កម្ពុជាវិញ។ បើតាមសេចក្តីប្រកាសព័ត៌មានរបស់ក្រសួងវប្បធម៌ និងវិចិត្រសិល្បៈនៅថ្ងៃទី២០ ខែវិច្ឆិកា ឆ្នាំ២០២៥ វត្ថុសិល្បៈខ្មែរ ដែលត្រៀមត្រឡប់​​មកកាន់ប្រទេសកម្ពុជា​វិញ​​រួមមាន វាយនភណ្ឌសូត្រខ្មែរចំនួន ១៨៣ផ្ទាំង វត្ថុសម័យបុរេប្រវត្តិដូចជា កក់ អង្កាំ គ្រឿងអលង្ការ និងវត្ថុបុរាណក្នុងសម័យមុខអង្គរ និងសម័យអង្គរជាដើម។

ជនជាតិហុងគ្រីព្រម​ប្រគល់រតនវត្ថុសិល្ប:ខ្មែរឱ្យ​កម្ពុជាវិញ

កម្មវិធីព័ត៌មានប្រចាំថ្ងៃព្រហស្បតិ៍ ទី២០ ខែ ​វិច្ឆិកា ឆ្នាំ២០២៥

កម្មវិធីព័ត៌មានប្រចាំថ្ងៃព្រហស្បតិ៍ ទី២០ ខែ ​វិច្ឆិកា ឆ្នាំ២០២៥

AIEA កំញើញ អ៊ីរ៉ង់ ឲ្យ​សហការ​ពេញដៃពេញជើង​ ជាមួយ​សហប្រជាជាតិ ទីភ្នាក់ងារថាមពលបរមាណូអន្តរជាតិ ដែលហៅកាត់​ថា AIEA បាន​កំញើញ រដ្ឋាភិបាល​អ៊ីរ៉ង់ ឲ្យសហការជាមួយ​គ្នា ឲ្យ​បាន​ពេញដៃពេញជើង និង​មិន​ត្រូវ​ពន្យារពេលឡើយ។ គោល​បំណង​សំខាន់​របស់ស្ថាប័ន​អង្គការ​សហប្រជាជាតិ​១នេះ គឺចង់​ចុះ​ត្រួតពិនិត្យ​ស្ថានីយថាមពលអ៊ីរ៉ង់​ ចំនួន​៣ ដែល​ធ្លាប់​រងការ​វាយប្រហារ​ពី​សហរដ្ឋអាមេរិក។ តែ អ៊ីរ៉ង់ មានៈបដិសេធ​។​ ​

AIEA កំញើញ អ៊ីរ៉ង់ ឲ្យ​សហការ​ពេញដៃពេញជើង​ ជាមួយ​សហប្រជាជាតិ

អាមេរិក​ថា​ក្រោយ​សង្គ្រាម​​​ឥណ្ឌា​-​ប៉ាគីស្ថាន ចិន​បាន​លេស​បង្អាប់យន្តហោះ​ចម្បាំង​បារាំង ចិន​បាន​និងកំពុង​បើក​យុទ្ធនាការ​ផ្សព្វផ្សាយ​ព័ត៌មាន​​មិន​ពិត​​ ដើម្បីបំផ្លាញ​​ទីផ្សារ​លក់​យន្តហោះ​ចម្បាំងប្រភេទ​រ៉ាហ្វាល់ (Rafale) ​​របស់​បារាំង។ នេះ​បើ​តាម​របាយការណ៍​របស់គណៈកម្មការ​​អាមេរិក ដោយ​បញ្ជាក់​ថា ការបន្តុះ​​បង្អាប់​យន្តហោះ​ចម្បាំង​បារាំង​ធ្វើ​ឡើង​ក្រោយ​ពេល​ឥណ្ឌា​បាន​ប្រើ​យន្តហោះ​ចម្បាំង​រ៉ាហ្វាល់​ធ្វើ​សង្គ្រាម​ជាមួយ​ប៉ាគីស្ថាន ដែល​ប្រើ​យន្តហោះ​ចម្បាំង​ផលិត​ដោយ​ប្រទេស​ចិន។

អាមេរិក​ថា​ក្រោយ​សង្គ្រាម​​​ឥណ្ឌា​-​ប៉ាគីស្ថាន ចិន​បាន​លេស​បង្អាប់យន្តហោះ​ចម្បាំង​បារាំង

សង្គ្រាមអ៊ុយក្រែន៖ វ៉ាស៊ីនតោន​ស្នើ​ផែនការ​សន្តិភាពថ្មី​ ដោយ​គ្រោង​កាត់​ដី​ឱ្យ​រុស្ស៊ី អ៊ុយក្រែន​ទើប​ទទួល​បាន​សំណើថ្មី​ពីសហរដ្ឋ​អាមេរិក នៅ​ថ្ងៃទី​១៩​វិច្ឆិកា​២០២៥។ ប៉ុន្តែគួរ​ឱ្យ​ភ្ញាក់ផ្អើលជា​ខ្លាំង ​ផែនការ​សន្តិភាព​ថ្មី​ មាន​ខ្លឹម​សារដដែល ​ដែល​ឆ្លើយ​តប​ទៅ​នឹង​ការ​ទាមទារ​របស់​ម៉ូស្គូ​តាំងពី​ដើម​មក។ នោះ​ គឺ​អ៊ុយក្រែន​ត្រូវ​កាត់​ទឹក​ដី​រង​ការ​ឈ្លានពាន​ ឱ្យ​ទៅ​រុស្ស៊ី ហើយ​ត្រូវ​កាត់​បន្ថយ​កម្លាំង​ទ័ព​ពាក់កណ្តាល និង​ត្រូវ​ប្រើ​ភាសារុស្ស៊ី​ជា​ភាសាជាតិ។

សង្គ្រាមអ៊ុយក្រែន៖ វ៉ាស៊ីនតោន​ស្នើ​ផែនការ​សន្តិភាពថ្មី​ ដោយ​គ្រោង​កាត់​ដី​ឱ្យ​រុស្ស៊ី

ហ្វីលីពីនកាត់ទោសស្ត្រីចិន​មេខ្លោងឆបោកអនឡាញ ដាក់ពន្ធនាគារអស់មួយជីវិត នៅថ្ងៃព្រហស្បតិ៍ ទី២០វិច្ឆិកា តុលាការហ្វីលីពីន បានសម្រេចផ្តន្ទាទោសដាក់ពន្ធនាគារអស់មួយជីវិត ស្ត្រីជាតិចិនម្នាក់ ដែលជាមេខ្លោង ក្នុងឧក្រិដ្ឋកម្មឆបោកអនឡាញ និងសកម្មភាពជួញដូរមនុស្ស។ មានឈ្មោះ អាលីស គួ (Alice Guo) ជនជាប់ចោទធ្លាប់ជានារីដ៏ល្បីល្បាញក្នុងបណ្តាញសង្គម និងធ្លាប់ជាប់ឆ្នោត ធ្វើជា មេឃុំតូចមួយ នៅភាគខាងជើងរដ្ឋធានីម៉ានីល ប្រទេសហ្វីលីពីន។ ​

ហ្វីលីពីនកាត់ទោសស្ត្រីចិន​មេខ្លោងឆបោកអនឡាញ ដាក់ពន្ធនាគារអស់មួយជីវិត

រដ្ឋសភានឹងបើកកិច្ចប្រជុំលើសេចក្តីស្នើវិសោធនកម្មច្បាប់រើសសមាជិកព្រឹទ្ធសភា រដ្ឋសភាកម្ពុជានឹងបើកកិច្ចប្រជុំមួយ ក្រោយគណៈកម្មការនីតិកម្ម និងយុត្តិធម៌នៃរដ្ឋសភាបានពិនិត្យសិក្សាលើសេចក្តីព្រាងច្បាប់ ស្តីពីវិសោធនកម្មច្បាប់បោះឆ្នោតជ្រើសតាំងសមាជិកព្រឹទ្ធសភារួចរាល់។ នេះបើតាមការបញ្ជាក់របស់លោក កែវ ពិសិដ្ឋ អគ្គលេខាធិការរងរដ្ឋសភា ដោយបន្ថែមថា ការពិនិត្យសិក្សាលើសេចក្តីព្រាងច្បាប់ ស្តីពីវិសោធនកម្មច្បាប់បោះឆ្នោតជ្រើសតាំងសមាជិកព្រឹទ្ធសភាអាចចំណាយពេលយូរ ដោយសារច្បាប់នេះមិនមែនជាច្បាប់បន្ទាន់។

រដ្ឋសភានឹងបើកកិច្ចប្រជុំលើសេចក្តីស្នើវិសោធនកម្មច្បាប់រើសសមាជិកព្រឹទ្ធសភា

លោក រ៉ុង ឈុន ថា ប្រជាកសិករមួយចំនួនត្អូញត្អែរពីតម្លៃស្រូវចុះថោក លោក រ៉ុង ឈុន ទីប្រឹក្សាគណបក្សកម្លាំងជាតិ បានអះអាងថា ប្រជាកសិករមួយចំនួនក្នុងខេត្តពោធិ៍សាត់ និងខេត្តបាត់ដំបងបានត្អូញត្អែរប្រាប់លោកពីតម្លៃស្រូវដែលកំពុងចុះថោក នៅរដូវប្រមូលផល។ តាមលោក រ៉ុង ឈុន តម្លៃស្រូវស្រងែលក់បានតែ ៦៥០រៀលប៉ុណ្ណោះក្នុងមួយគីឡូក្រាម ខណៈស្រូវបានពី ៨០០ទៅ៩០០រៀលក្នុងមួយគីឡូក្រាម។

លោក រ៉ុង ឈុន ថា ប្រជាកសិករមួយចំនួនត្អូញត្អែរពីតម្លៃស្រូវចុះថោក

សមត្ថកិច្ច៖ គ្រោះថ្នាក់ចរាចរណ៍ស្លាប់មនុស្ស ១៣នាក់អាចមកពីអ្នកបើកបរងងុយដេក ស្នង​ការ​នគរ​បាល​ខេត្ត​កំពង់ធំ ​លោក​ឧត្តម​សេនីយ៍​ទោ ​ហេង សុផល ប្រាប់​វិទ្យុ​បារាំង​អន្តរ​ជាតិ​RFI​ នៅ​ថ្ងៃ​ទី​២០​វិច្ឆិកា​នេះ​ថា ​គ្រោះ​ថ្នាក់​ចរាចរណ៍​ដោយ​រថយន្ដ​ក្រុង​ដឹក​អ្នក​ដំណើរ​ពេល​យប់​មួយ​គ្រឿង​ កាល​ពី​វេលា​ម៉ោង​ប្រមាណ​ ៣​ទៀប​ភ្លឺ ​ថ្ងៃ​ទី​២០​ ខែ​វិច្ឆិកា ​ឆ្នាំ​២០២៥ ​គឺ​អាច​បណ្តាល​មក​ពី​អ្នក​បើក​បរ​ «ងងុយដេក»​។ ​ការអះ​អាង​ដូច្នេះ ​ដោយសារ​តែ​គ្រោះថ្នាក់​ចរាចរណ៍​នេះ​ បង្ក​ឡើង​ដោយ​រថយន្ត​ក្រុង​ ដែល​ផ្ទុក​មនុស្ស ​៣៧នាក់​ បាន​បើក​ទៅ​បុក​បង្កាន់​ដៃ​ស្ពាន​ បណ្តាល​ឲ្យ​ក្រឡាប់​ចូល​ទឹក​ សម្លាប់​មនុស្ស​១៣​នាក់​ និង​របួស​២៤​នាក់​។

សមត្ថកិច្ច៖ គ្រោះថ្នាក់ចរាចរណ៍ស្លាប់មនុស្ស ១៣នាក់អាចមកពីអ្នកបើកបរងងុយដេក

ទឹកជំនន់នៅស្ទឹងពោធិ៍សាត់កំពុងគំរាមកំហែងប្រជាពលរដ្ឋ នៅ​ព្រឹក​ថ្ងៃ​ទី​២០ ​ខែ​វិច្ឆិកា ឆ្នាំ​២០២៥ ស្ថានភាព​ជំនន់​ទឹក​ភ្លៀង​ តាម​ដង​ស្ទឹង​ពោធិ៍សាត់​ កំពុង​ដាក់​សម្ពាធ​ទៅ​លើក្រុង​ពោធិ៍សាត់ ​ពិសេស​ចំណុច​សង្កាត់​ព្រៃញី សង្កាត់​បន្ទាយដី សង្កាត់រលកស សង្កាត់ផ្ទះព្រៃ និងក្បាលហុង ដោយសារតែក្បាលស្ទឹងទាំងបី នៅប៉ែកខាងលើបានរងនូវទឹកបុកសម្រុកធ្លាក់មក។ នេះជាការព្រមានរបស់ លោក ខូយ រីដា អភិបាលខេត្តពោធិ៍សាត់ ខណៈលោកក៏អំពាវនាវដល់ប្រជាពលរដ្ឋ ដែលរស់នៅតាមដងស្ទឹង ជាពិសេសនៅស្រុកកណ្តៀងត្រូវមានការប្រុងប្រយ័ត្នខ្ពស់។

ទឹកជំនន់នៅស្ទឹងពោធិ៍សាត់កំពុងគំរាមកំហែងប្រជាពលរដ្ឋ

កម្មវិធីព័ត៌មានប្រចាំថ្ងៃ ពុធ ទី ១៩ ខែ ​វិច្ឆិកា ឆ្នាំ២០២៥

កម្មវិធីព័ត៌មានប្រចាំថ្ងៃ ពុធ ទី ១៩ ខែ ​វិច្ឆិកា ឆ្នាំ២០២៥

សភាអាមេរិក បោះឆ្នោតតម្រូវ​ឲ្យ​ក្រសួងយុត្តិធម៌ បើកចំហឯកសារសំណុំរឿង Jeffrey Epstein សភាខុនហ្ក្រេសសហរដ្ឋអាមេរិក បានបោះឆ្នោតសឹងជាឯកច្ឆន្ទ កាលពីថ្ងៃអង្គារទី​១៧វិច្ឆិកា លើអត្ថបទច្បាប់មួយ​ដែល​​តម្រូវ​ឲ្យ​ក្រសួងយុត្តិធម៌ ត្រូវបើកចំហជាសាធារណៈ នូវឯកសារ​ក្នុង​សំណុំរឿង Jeffrey Epstein ដែលជារឿងអាស្រូវផ្លូវភេទជាប់ពាក់ព័ន្ធនឹង​បុគ្គលសំខាន់ៗច្រើននាក់។​ លោកដូណាល់ ត្រាំ ដែលត្រូវពាក្យ​ចចាមអារ៉ាម​ចោទ ថាមានជាប់ពាក់ព័ន្ធក្នុងរឿងអាស្រូវនេះដែរ ធ្លាប់បានរារាំងមិន​ឲ្យគេបើកចំហឯកសារទាំងនេះជាសាធារណៈទេ​។ សំណុំរឿង Jeffrey Epstein កំពុងតែធ្វើឲ្យ​អ្នកគាំទ្រលោកដូណាល់ ត្រាំមួយចំនួន​ ចា​ប់ផ្តើម​បែកចិត្ត​ពីលោក។

សភាអាមេរិក បោះឆ្នោតតម្រូវ​ឲ្យ​ក្រសួងយុត្តិធម៌ បើកចំហឯកសារសំណុំរឿង Jeffrey Epstein

សង្ស័យ​រុស្ស៊ីបំផ្លាញ​ផ្លូវរថភ្លើង ប៉ូឡូញ​ប្រើវិធានការក្តៅបិទ​កុងស៊ុល​រុស្ស៊ី​ចុងក្រោយ​នៅ​ប៉ូឡូញ តាំងពី​ផ្ទុះ​សង្គ្រាម​រុស្ស៊ីឈ្លាន​ពាន​អ៊ុយក្រែន នៅឆ្នាំ២០២២មក ទំនាក់​ទំនង​រុស្ស៊ី​-ប៉ូឡូញ ធ្លាក់​ចុះ​ដុន​ដាប​ជាខ្លាំង។ ដុប​ដាប​ខ្លាំង ដ្បិតថា​ ​ប្រទេស​ប៉ូឡូញ​ ដែល​មាន​ព្រំដែន​ជាប់អ៊ុយក្រែន (​សត្រូវ​រុស្ស៊ី) និងមាន​ព្រំដែន​ជាប់​​បេឡារុស (សម្ព័ន្ធមិត្ត​រុស្ស៊ី)​ ​បាន​ប្រកាន់​ជំហរ​គាំទ្រ​រដ្ឋាភិបាល​ទីក្រុង​កៀវ​ ហើយ​តែងតែរិះគន់មិន​សំចៃមាត់​ចំពោះ​​ទង្វើ​ឈ្លាន​ពាន​របស់​កង​ទ័ព​រុស្ស៊ី។​ ប្រទេស​ទាំង ២​ បាន​បណ្តេញ​មន្ត្រីទូត​ និង​ផ្អាកការងារ​​ស្ថានទូត​ ជាបន្តបន្ទាប់។​ ពេលនេះ រដ្ឋាភិបាលទីក្រុងវ៉ាសូវី  បាន​ប្រកាសបិទ​ស្ថានកុងស៊ុលរុស្ស៊ី ​ដែលសល់​តែមួយ​ចុងក្រោយ​នៅ​ប៉ូឡូញ។​​ ​

សង្ស័យ​រុស្ស៊ីបំផ្លាញ​ផ្លូវរថភ្លើង ប៉ូឡូញ​ប្រើវិធានការក្តៅបិទ​កុងស៊ុល​រុស្ស៊ី​ចុងក្រោយ​នៅ​ប៉ូឡូញ

រុស្ស៊ីបន្តវាយសម្រុកលើអ៊ុយក្រែន៖ ស្លាប់យ៉ាងតិច ៩ នាក់ និង របួសជាង ៣០ នាក់ នៅយប់ថ្ងៃ អង្គារ ឆ្លងចូលថ្ងៃ ពុធ ទី ១៩ វិច្ឆិកា កងទ័ពរុស្ស៊ីបានបើកការវាយប្រហារដ៏ធំសម្បើមមួយទៀត ទៅលើប៉ែកខាងលិច នៃប្រទេសអ៊ុយក្រែន។ យោងតាមសម្តីរបស់លោកប្រធានាធិបតី វ៉ូឡូឌីមៀរ ហ្សេឡេនស្គី យ៉ាងហោចណាស់ មានប្រជាជនអ៊ុយក្រែនចំនួន ៩ នាក់ បានបាត់បង់ជីវិត និង ជាង ៣០ ផ្សេងទៀត បានរងរបួស។

រុស្ស៊ីបន្តវាយសម្រុកលើអ៊ុយក្រែន៖ ស្លាប់យ៉ាងតិច ៩ នាក់ និង របួសជាង ៣០ នាក់

លោកដូណាល់ ត្រាំ ចេញមុខនិយាយការពារ​ព្រះអង្គម្ចាស់​បេនសាលម៉ាន រឿងឃាតកម្មលើលោក ​Khashoggi លោកដូណាល់ ត្រាំ បានទទួល​ព្រះអង្គម្ចាស់រាជទាយាទ​អារ៉ាប៊ីសាអូឌីត មូហាម៉េដ បេនសាលម៉ាន នៅឯ​សេតវិមាន​យ៉ាងពេញកិត្តិយសអស្ចារ្យ​បំផុត កាលពីថ្ងៃអង្គារទី​១៨វិ​ច្ឆិកា។ ក្រៅពីបានចុះកិច្ចសន្យា​សហប្រតិបត្តិការ​ច្រើនវិស័យ រួម​មាន​ថាមពល បច្ចេកវិទ្យា និង​ការពារជាតិ លោក​ដូណាល់ ត្រាំ បានថែមទាំងនិយាយ​ការពារ​ព្រះអង្គម្ចាស់​ ម៉ូហាម៉េដ បេនសាលម៉ាន ទាក់ទិននឹង​​ករណីឃាតកម្ម​លើរូបអ្នកកាសែត​ លោក ​ចាម៉ាល់ ខាស្ហូគី​ ថែមទៀតផង​។

លោកដូណាល់ ត្រាំ ចេញមុខនិយាយការពារ​ព្រះអង្គម្ចាស់​បេនសាលម៉ាន រឿងឃាតកម្មលើលោក ​Khashoggi

លោក ទូច សុឃៈ៖ ក្រោយផ្ទុះអាវុធពីភាគីថៃ តំបន់ថ្មដា ខេត្តពោធិ៍សាត់មានសភាពធម្មតា គិតត្រឹមល្ងាចថ្ងៃទី១៩ វិច្ឆិកានេះ ស្ថានភាពតំបន់ថ្មដា ខេត្តពោធិ៍សាត់មានភាពស្ងប់ស្ងាត់ធម្មតា ក្រោយហេតុការណ៍ផ្ទុះអាវុធពីភាគីថៃនៅព្រឹកថ្ងៃពុធ ទី១៩ វិច្ឆិកា។ នេះបើតាមអ្នកនាំពាក្យរងក្រសួងមហាផ្ទៃ លោក ទូច សុឃៈ ដោយបន្ថែមថា ទោះជាយ៉ាងណា កម្លាំងការពារព្រំដែនកម្ពុជានៅតែបន្តតាមដានស្ថានភាពដោយមានការប្រុងប្រយ័ត្នខ្ពស់។

លោក ទូច សុឃៈ៖ ក្រោយផ្ទុះអាវុធពីភាគីថៃ តំបន់ថ្មដា ខេត្តពោធិ៍សាត់មានសភាពធម្មតា

ភូមាចាប់ខ្លួនមនុស្សជិត៣៥០នាក់ ក្រោយចុះឆែកឆេរទីតាំងឆបោកអនឡាញ១កន្លែងនៅព្រំដែនថៃ នៅប្រទេសភូមា មានមនុស្សជិត ៣៥០ នាក់ ត្រូវចាប់ឃាត់ខ្លួន ក្រោយពីអាជ្ញាធរបានចុះឆែកឆេរមជ្ឈមណ្ឌលឆបោកអនឡាញ១កន្លែងនៅព្រំដែនថៃ-ភូមា។ នេះបើតាមការបញ្ជាក់របស់យោធាភូមានៅថ្ងៃពុធ ទី១៩ វិច្ឆិកា។ ចំណែក កាសែតក្នុងស្រុកក៏បានឲ្យដឹងដែរថា ក្នុងចំណោមមនុស្សទាំងជិត ៣៥០ នាក់នោះ ភាគច្រើនសុទ្ធសឹងជាជនបរទេស។​ ​

ភូមាចាប់ខ្លួនមនុស្សជិត៣៥០នាក់ ក្រោយចុះឆែកឆេរទីតាំងឆបោកអនឡាញ១កន្លែងនៅព្រំដែនថៃ

អ្នកនាំពាក្យពន្ធនាគារ៖ ក្រុមជំនាញកំពុងស៊ើបអង្កេតបន្តករណីរំដោះអ្នកទោសនៅស្វាយរៀង អ្នកនាំពាក្យអគ្គនាយកដ្ឋានពន្ធនាគារ លោក ឃៀង សុណាឌីន បានប្រាប់វិទ្យុបារាំងអន្តរជាតិ RFI នៅថ្ងៃទី១៩ ខែវិច្ឆិកា ឆ្នាំ២០២៥ នេះថា ប្រតិបត្តិការតាមចាប់ខ្លួនជនជាប់ឃុំចំនួន ៦នាក់ និងស្ត្រីម្នាក់ដែលបានសម្រួលឲ្យមានការលួចរត់ត្រូវបានបិទបញ្ចប់កាលពីថ្ងៃទី១៨ វិច្ឆិកា។ ជនជាប់ឃុំទាំង ៦នាក់ និងស្ត្រីម្នាក់ត្រូវបានបញ្ជូនទៅកាន់ស្នងការដ្ឋាននគរបាលខេត្តស្វាយរៀងដើម្បីអនុវត្តនីតិវិធីបន្ត។ ជាមួយគ្នានេះ និងបើតាមអ្នកនាំពាក្យពន្ធនាគាររូបនេះដដែល ក្រុមការងារជំនាញនៃអគ្គនាយកដ្ឋានពន្ធនាគារក៏កំពុងស៊ើបអង្កេត និងរង់ចាំមើលលទ្ធផល ថាតើហេតុការណ៍ដែលបានកើតឡើងនៅក្នុងបរិវេណសាលាដំបូងខេត្តស្វាយរៀងនេះបណ្តាលមកពីភាពចន្លោះប្រហោងនៅក្នុងការអនុវត្តតួនាទីរបស់មន្ត្រីពន្ធនាគារ ឬយ៉ាងណា? សូមរម្លឹកថា កាលពីព្រឹកថ្ងៃទី១៨ ខែវិច្ឆិកា ឆ្នាំ២០២៥ តាមរយៈកាមេរ៉ាសុវត្ថិភាព គេឃើញស្ត្រីម្នាក់បានដើរចូលទៅក្នុងបរិវេណសាលាដំបូងខេត្តស្វាយរៀង និងបានហុចកាំភ្លើងខ្លីដែលនាងបានលាក់នៅក្នុងអាវឲ្យទៅបុរសជនជាប់ឃុំជាជនជាតិវៀតណាមដូចគ្នា ដែលសមត្ថកិច្ចនាំយកទៅចូលរួមសវនាការ។ ភ្លាមៗ ជនជាប់ឃុំម្នាក់ក្នុងចំណោម ៦នាក់ បានភ្ជង់កាំភ្លើងសំដៅកងសន្តិសុខ រួចនាំគ្នារត់ចេញពីទីនោះ។ តែនៅល្ងាចថ្ងៃដដែល ជនជាប់ឃុំទាំង៦នាក់នោះ ត្រូវបានសមត្ថកិច្ចចាប់បានមកវិញ រួមទាំងស្ត្រីដែលចូលទៅរំដោះអ្នកទោសទាំងនោះផង៕

អ្នកនាំពាក្យពន្ធនាគារ៖ ក្រុមជំនាញកំពុងស៊ើបអង្កេតបន្តករណីរំដោះអ្នកទោសនៅស្វាយរៀង

ពលរដ្ឋមិនអាចប្រើបណ្ណ ប.ស.ស បាន បើខកខានបង់វិភាគទានរយៈពេល ៦ខែ ប្រជាពលរដ្ឋដែលប្រកបរបរសេដ្ឋកិច្ចក្រៅប្រព័ន្ធមួយចំនួនបានលើកឡើងថា រាល់ការខកខានបង់វិភាគទានចំនួន ៦ខែបានធ្វើឲ្យពួកគេមិនអាចប្រើបណ្ណ ប.ស.ស អស់មួយជីវិត។ តែការលើកឡើងដូចនេះត្រូវបានលោក ហេង សុផាណារិទ្ធ អគ្គនាយករងបេឡាជាតិរបបសន្តិសុខសង្គម (ប.ស.ស) ចេញមុខច្រានចោល។ ថ្លែងប្រាប់វិទ្យុបារាំងអន្តរជាតិ RFI នៅថ្ងៃទី១៩ ខែវិច្ឆិកា ឆ្នាំ២០២៥ នេះ លោក ហេង សុផាណារិទ្ធ បញ្ជាក់ថា ប្រសិនបើក្រុមអ្នកប្រកបរបរសេដ្ឋកិច្ចក្រៅប្រព័ន្ធខកខានបង់វិភាគទានចាប់ពី ៦ខែឡើងទៅបានន័យថា ពួកគេបានបោះបង់សមាជិកភាព ប.ស.ស។ តែលោក ហេង សុផាណារិទ្ធមិនភ្លេចប្រាប់ថា បេឡាជាតិរបបសន្តិសុខសង្គមនឹងផ្តល់សមាជិកភាពឱ្យពលរដ្ឋប្រកបរបរសេដ្ឋកិច្ចក្រៅប្រព័ន្ធជាថ្មី ប្រសិនបើពួកគេបង់វិភាគទានចំនួន ៣របប ដែល ប.ស.ស បានកំណត់។ សូមសា្តប់ការលើកឡើងរបស់លោក ហេង សុផាណារិទ្ធ

ពលរដ្ឋមិនអាចប្រើបណ្ណ ប.ស.ស បាន បើខកខានបង់វិភាគទានរយៈពេល ៦ខែ