Честит и среќен Национален ден на Власите, 23 мај.

Ние Власите немаме национална, влашка држава, но сме секогаш посветени на државата во која векови живееме и работиме за напредокот и подобра иднина на заедницата.

За многу години!

Hãrioasã shi hãrlaticã Dzua natsionalã al Armãnjlor, 23 di Mailu.

Noi Armãnjli him un popul fãrã stat, ama him totãnã dati ti statlu anostu shi lucrãm ti tãrnintea shi ti un mabun yinitor a-comunaljei.

Ti multsã anj, Armãneame.

Armãnlu nu cheari!

За актуелните случувања, борбата за социјална правда и важноста од постојаното одржување и унапредување на демократијата зборував со дечките од frontline.mk

Читнете 🙂

Против фашизмот мораме секојдневно да се бориме, повнимателно и на уште повеќе фронтови, зашто непријателот е поподмолен од кога било.

Силата ни е во заедништвото, во почитта за и прифаќањето на разликите, во чесноста и во човечноста.

И затоа ќе победиме!

Смрт на фашизмот, слобода на народот ✊

Притоа прават бројни воени злосторства, не трепнувајќи со око на стотиците илјади масакрирани деца, честопати жртви на бомбардирани детски болници.

Вулгарноста на овие нео-фашисти оди дотаму што без срам се китат со ловориките на предците, некои дури и прават паради со антифашистички предзнак, додека во исто време вршат свирепа агресија и обиди за анексија врз соседите и/или автохтоното население.

Разликата е што сега главните фашистички пропагатори се преправаат дека се недоветни, кукавички бегаат од називот што го заслужуваат, но во суштината на нивните апели лежи токму фашистичката идеологија на поделби, традиционализам и длабока омраза кон поинаквите.

За жал, шлагвортот на тие идеи веќе некое време е повторно актуелен и прифаќан од поголеми маси, водени од влијателни политички лидери.

Фашистичките идеи за авторитарност, расен и религиозен национализам, хиерархија, елитизам и милитаризам, за тоталитаризам и анти-егалитаријанизам беа и останаа за најголема осуда.

Фашизмот беше победен кога чинот на споделување на фашистичките идеи беше поистоветен со најголем срам, бесчестие и и режим, кога неговите поддржувачи беа социјално прогонети и осудени.

Нема веќе „мама, тато, дада и бато“ како што најави премиерот за ПР – сега има само тројца, за бројките да изгледаат подобро.

Новата просечна кошничка ќе ги игнорира реалните трошоци.

Ова не е економска мерка, туку политичка манипулација.

И уште една навреда за интелигенцијата на граѓаните.

За Владата папаја, манго и аспарагус, а за граѓаните само трошки.

За граѓаните да биде луксуз одморот, а власта да изнајмува цели авиони на грбот на народот.

Власта измислила сама да пресметува колку чини животот и се обидува да го убеди народот дека со 400€ може да се живее.

Ама, граѓаните да не одат на одмор, ниту на кино или театар – тоа било луксуз.

Народот да има само за сметки и храна, и тоа од листата на препорачани производи од Владата.

Скандалозно е што Владата сака да ги искриви реалните пресметки на потрошувачката кошничка.

Целта на Владата е да го замени реалниот показател – минималната синдикална кошничка – со нова, владина креирана „просечна потрошувачка кошничка“.

Ама не за четиричлено, туку за тричлено.

Директор на Националната агенција за европски образовни програми и мобилност треба да биде лице кое ги отелотворува принципите на почит, инклузивност и напредок, а не партиски подобен галамџија, кој сиот свој јавен профил го градел на анти-европски и сентименти на омраза и дискриминација.

За скандалозната одлука за именувањето на Богојески за директор на Националната агенција за европски образовни програми и мобилност, СДСМ писмено ќе ги информира и претставниците на Генералниот Директорат за образование и култура при Европската Комисија.

Именувањето на Богојески во целост го отсликува целосното игнорирање на основните европски вредности од страна на Владата. Такво непочитување на основни етички стандарди е неприфатливо за лидери во образованието и јавната служба.

Именувањето на Богојески испраќа загрижувачка, но јасна порака за приоритетите на Владата предводена од Мицкоски и ДПМНЕ.

Со Богојески на чело на Агенција за унапредување единство и напредок, Мицкоски и ДПМНЕ го поткопуваат значењето на институцијата и го загрозуваат напредокот во образованието.

Однесувањето на Богојески е во целосна спротивставеност со вредностите на почит, еднаквост и инклузивност, кои се основа на европските образовни програми што ги претставува Агенцијата на чие чело е поставен.

Тој е несоодветен за функцијата, уште помалку за да служи како пример за студентите.

Богојески има детално документирана историја на навредливо и дискриминаторско однесување и говор на омраза на јавни платформи.
Неговите коментари се деградирачки, сексистички, дискриминаторски, албанофобни, расистички изрази, што е целосно неприфатливо за носител на каква било функција.

Скандалозно и неприфатливо е именувањето на Петар Богојески за директор на Националната агенција за европски образовни програми и мобилност.

Мицкоски и Тимчо толку шетаа и се гоштеваа низ ресторани во D.C. и Њујорк, а пак Трамп ни воведе една највисоките увозни царински стапки во регионот.

Среќа што му биле „во најблискиот периметар“

Кочани 💔
Солзи снемавме, срцата ни плачат.
Сочувство до семејства на загинатите.

Нека служи како мотивација и пример дека искреноста и доблеста во заложбите се посилни и од најзастрашувачките колоси на авторитаризмот и едноумието.

Поддршка за српските студенти ✊

Апатијата што ја предизвикуваат политиките засновани на пизми е разбиена од овој бран свежина на автентични и легитимни граѓански барања.

Глетките од Белград вечерва ги полнат душите на сите чесни, добронамерни, здраворазумни слободољупци, на сите желни за правда, за искоренување на корупцијата од институциите и на запоседниците од функционерските фотелји.

На Македонија не ѝ требаат утешни награди и евтини приказни, туку конкретна акција за зачленување во ЕУ.

Отклонувањето од патот кон ЕУ и отстапувањето од европските вредности се новото ненормално кое скапо [ќе] го плаќаме.

Изјавата на Димитриеска-Кочоска е срамна, ама не и неочекувана. Тоа е ДПМНЕ.

Секогаш, ама баш секогаш насочено кон понижување и угнетување на жените. Особено оние што се гласни, бунтовни и оние што се борат против штетната дпмневска матрица.

Ниту родова рамноправност, ниту финансиска стабилност за мнозинството, не се и никогаш не биле на листата приоритети на ДПМНЕ.

И се разбира - борбата за родова рамноправност значи да обезбедиме системска рамка која значи финансиска стабилност за секоја жена, нешто што оваа Влада предводена од Мицкоски го оневозможува за мнозинството граѓани на земјава.