Isaac Casaubon

Da matri, da uxori, ut me brevi reduce gaudere una pium et Christianum gaudium possimus. O tu, Deus salutis meae, tu mea spes unica es : tibi ego et meos et me servandum committo. Ita esto, mi Deus, mi Pater. Amen.

Oro te, Pater caelestis, per Dominum nostrum Jesum Christum Filium tuum, rege hanc familiam, et nostra omnium peccata tege. Da mihi iter instituenti, ut in timore tui εὐδῶμαι, a te uno semper ut pendeam, te unum spectem, tuique unius ope stem cum meis.

Serva piam matrem, uxorem dilectissimam, et suavissima nostra pignora. Esto inter omnes domi concordia, et unicus tantum ζῆλος, unica aemulatio, ecquis erit in te colendo diligentior et assiduior.

Cum igitur justa consilii hujus sit caussa, et necessaria profectio, supplex te oro, Pater caelestis, qui me rexisti hactenus et ex infinitis periculis liberasti, serves etiam nunc, et liberes ab omni periculorum genere. Serva etiam, mi Deus, familiam universam.

Mane totum ferme iisdem curis impensum. Atque hoc demum die iter quod pridem cogitabam, suscepi, atque institui, ut equidem persuasus sum, te mi Deus et auctore et duce. Causas quae me impulerunt, imo adegerunt, nosti tu Deus aeterne, non enim temere aut peregrinandi animo tantum iter sum aggressus.

Studia penitus omissa, dum ad iter me paro, cujus esto tu, O Deus, mihi dux, et auctor.

Mane studia ad tempus sacrae concionis, unde reversi ad prandium cum libris fuimus Θεοῦ χάριτι. A prandio dum ad iter nos paramus, fuimus non parum occupati, non ita tamen ut totum pomeridianum tempus perierit.

Mane summon studia Θεοῦ τοῦτόγε διδόντος, bona etiam diei pars studiis impensa, tuo, mi Deus, beneficio.

Mane Dei beneficio studia : et item a prandio, quantum per negotia licuit.

Mane studia leniter attigimus ad concionem sacram usque, postea iterum studia, et item a prandio totum ferme diem, per tuam, mi Deus, benignitatem. Σοὶ δόξα, ὦ Κύριε.

Illud unum superest, ut, liberatus ingrata hac cura Athenaei, alio me possim conferre, id est suscipere aliud opus quod sit futurum jucundius, et εὐσεbείᾳ μᾶλλον προσῆkον. Fac, O Pater, damnes aliquando hujus voti. Ἀμήν.

Mane et a prandio mihi vixi : totus fui meus : nemo mihi fuit molestus, si horam excipias matutine temporis quam amicus parum studiis nostris aequus nobis eripuit. Τοῦ λοιποῦ rationem Musis possumus reddere. O Deus, benedictum sit nomen tuum, qui haec mihi praestas otia.

Mane studia singulari Dei beneficio, qui mihi pro sua benignitate otia faciebat, et animi tranquillitatem praestabat.

Mane studia Θεοῦ διδόντος. A prandio studia, sed et amici, et negotia.

Mane studia ; nisi quod discessus a nobis honestissimae matronae Leonae multum temporis eripuit studiis. Te supplex oro, magne Deus, illam serves in hoc itinere, et nos hic quoque.

Mane studia ἐγκύκλια beneficio Dei.

Mane studia Dei beneficio. A prandio studuimus, docuimus.

Mane studia leniter : inde concio sacra : a prandio amici et τὸ γοῦν καδδύναμιν studia. θεῷ χάρις.

Publicum hoc quam male de nobis interdum mereatur, scis tu, O Deus, cui esse curae meque meosque certus sum, et hoc uno fretus animum in tantis curis non despondeo.

Mane studia benignitate Dei. A prandio negotia et rei familiaris cura partem diei absumpserunt. Enimvero nisi tu, O Deus, fulcias familiam hanc, ubi sunt illius fulcra ? Ubi praesidia ? οἰκόθεν quidem aut nulla aut pene nulla.

Inde studia diligenter curavimus ad decimam, multaque in Athenaeo curavimus vulnera necdum nobis deprehensa. En erit unquam ille dies, cum edito eo libro gratias tibi, O Deus mi, agam liberata mente ab hac molestissima cura ? Da hoc mihi, O σῶτερ, et mihi meisque porro benedice. A prandio docuimus.

Mane summo surreximus ob discessum amplissimi viri Johannis a Wouveren et alterius nobilius ejus comitis. Deus illis benedicat.

Inde studia diligenter curavimus ad decimam, multaque in Athenaeo curavimus vulnera necdum nobis deprehensa. En erit unquam ille dies, cum edito eo libro gratias tibi, O Deus mi, agam liberata mente ab hac molestissima cura ? Da hoc mihi, O σῶτερ, et mihi meisque porro benedice. A prandio docuimus.

Mane summo surreximus ob discessum amplissimi viri Johannis a Wouveren et alterius nobilius ejus comitis. Deus illis benedicat.

Mane studia Dei beneficio. A prandio amici, et variis ab amicis literae, quae προαγγέλλειν videntur vetus verbum ὤδινεν ὄρος, ἔτεκεν δὲ μῦν. Sic sunt homines. At non is tu, Deus magne, cui uni me, meos, et mea omnia committo et permitto.

Mane studia et concio. A prandio studia : amici studiis parum aequi. Sed Deus modo benedicat conatibus.

Mane studuimus Dei beneficio, et in Athenaei aliquot locis serio fuimus. A prandio docuimus.

Mane literae ad amicos Genevenses : inde studia, quod Deus dedit. A prandio studuimus, docuimus θεῷ χάριτι

per Jesum Christum Filium tuum unicum, qui tecum, una cum Spiritu Sancto, vivit, regnat καὶ νῦν καὶ εἰς αἰῶνας αἰώνων. Ἀμήν.

Mane cum, etsi cupidus, sacrae συνάξει casu quodam interesse non possem, literis Hebraeis diligentem operam dedi : atque ego te supplex oro, Pater caelestis, benedic meis studiis, quae propter corporis invalentiam et ingenii ἀσθένειαν non possunt non languere,