Llope

1/2

Creo que podría
dir contra la corriente del tiempu
entrar pela alborada
y escapar en mediu de la nueche
hasta l'atardecer.

Creo que podría
doblar los torbones como una tela de seda
y atechame de la lluvia
nuna campa sin árboles.

2/2

Creo que podría
vivir contraviniendo les regles fundamentales
pero nun hai nada meyor
que sintir l'avanzar de los díes
que sintir l'agua mugando mios llabios.

Llope

1/2

Creo que podría
dir contra la corriente del tiempu
entrar pela alborada
y escapar en mediu de la nueche
hasta l'atardecer.

Creo que podría
doblar los torbones como una tela de seda
y atechame de la lluvia
nuna campa sin árboles.

2/2

perdió la guerra contra la yerba
perdió la guerra contra la tierra
perdió la guerra contra la lluvia
que lo llimpia too.

Llope

1/2

Fabriqué una muria alta
tan alta que tapaba'l pelo blancu de les nubes
llarga tan llarga
como venti años d'espera
escura
tan escura
que nin el sol de mayu podía cruciala.

Por suerte esta altanería mía
de llendes llongues
de nueches tan nueches

Como una mora madura
pingando néctar sobre'l suelu
como un sol acuarela
qu'espurre so alma na superficie
d'esta mar de silenciu.

Asina navego hacia la illa
tengo miéu que na nuestra playa
antes de flores nacientes
antes d'amaneceres frescos
nun queden más qu'escombrios.

Llope

Próximamente sal "La Sorena", la mio primer novela. Un retratu del ultralliberalismu y la desindustrialización dende la ciencia ficción. Nestos díes diré escribiendo pequí dellos pingarates sobre ella (modo turra on)

Vengo dende esta llende
unes veces
corazón de ballena
otres
piel azul que ximielga l'aire.

Voi como’l vuelu’n diagonal
D’un páxaru de brases.

Vengo de la lluz nornoreste

Voi fundiendo los pies nel agua.

Llope

Tenemos un horizonte de lluna llena
de los que tintan de blancu los caminos.

Nun suel haber oportunidaes
como esta
d'estruñar les sombres
y cegales durante un pedazu.

Andaremos más al quite
valnos cualquier visu de lluz
pa executar el nuestro plan de fuga.

Llope

3/3

De les ales negres
y el día cuervu
nes que clavo
les mios extremidaes inferiores.

Llope

2/3

una tierra con forma de nube
un cielu con tastu de tierra.

Con tastu a futuru curtiu
más breve
muncho más breve
que cien tonelaes de pasáu
que'l movimientu de les ales negres.

De les ales negres
tresformaes en mar brillante
sobre'l que floto inquietu.

1/3

Esti cuervu nueche sobre fondu verde
de pluma moyada
de güeyos desiertu
podría ser yo.

Podría ser una sucesión de mañanes
de cansanciu
el vuelu d'una gota de lluvia
que se tira contra l'asfaltu.

Que se tira prau embaxo
dando marivueltes
hasta descubrir un mundu contrariu

Esther García, presidenta de l’Asociación d’Escritores d’Asturies, organiza una tertulia literaria en Piedrasblancas (Castrillón).

Na edición de mayu van recitar dellos de mios poemes y voi falar sobre la mio forma d'entender la poesía.

Convídovos a vinir y descubrir quién soi.

Esti ye'l mio viaxe pela Selmana Santa col poemariu "Selmana". Ritos hacia la muerte baxo la mirada d'un non creyente.

Podéis descargalo de baldre nesti link.
drive.google.com/file/d/1XqEl...

Un presentación preciosa la del discu de @guieldu.eu Nun-y falta detalle , la cerveza nun va incluyida 😛

1/2

Por más que pienso
en cielos puercos de betún
en carreteres bisagra que comen los artos
en tardes celda de les que naide s'alcuerda
por más que'l mundu tenga la zuna
d'echar per tierra los mios suaños
o de contradicime otra vez
nun dexo de descubrir

Escribí "L'imperiu de las llombas" na variante occidental.

El llibru ye un homenaxe a mio güela y a mio madre y al imperiu mínimu de les llombes.

Dexé nestes páxines muncho de lo fui y de lo que soi.
drive.google.com/file/d/1p5sU...

2/2

nin retal a cuadros onde saltar.

El tiempu ye una raiz hacia l'infiernu,
un apéndiz bañao en tierra
que nun hai mano qu'atrape.

Llope

Foto del Muséu del Pueblu d'Asturies. Villamayor ( Piloña ), 1918. Modesto Montoto.

1/2

Prestaría esbillar el tiempu
calcar cada instante colos deos
hasta que caigan sobre'l mandil.
Y guardalos depués nun tarru de cristal.
Y miralos depués cuando vaya pa la cama.
Pero'l caminar de les hores
nun tien piel verde
nin grana suave

2/2

una lluz feble que crucia les sombres
una ruta nueva pela que dir al futuru
- anque seya cola piel rabuñada -
un instante que s'oculta nel tiempu.

Por más que pienso
que nun sedrá fácil escapar d'esta
doi cola llave exacta qu'abre les puertes.

Llope

1/2

Por más que pienso
en cielos puercos de betún
en carreteres bisagra que comen los artos
en tardes celda de les que naide s'alcuerda
por más que'l mundu tenga la zuna
d'echar per tierra los mios suaños
o de contradicime otra vez
nun dexo de descubrir

Amasar cuasi cualquier cosa
y convertila en poema.

Amasar pasta de memoria
con agua de lluvia templada
emburriar colos deos
hasta da-y forma de lletra.

Confiar en que'l fornu
en venti minutos a ciento ochenta
traiga los díes de farina caliente rustida.

Llope

Foto Skyler Ewing

Lleves les manes llenes
d'un pretéritu imperfectu.

Recuden ente los deos los díes
de lluvia azul
los díes
de silenciu gris
los díes
de cuerpu qu'abandona a otru.

Lleves les manes vacies
d'un futuru perfectu.

Llope

Fai tiempu que noto ente los güesos
la precesión de los equinocios
que siento na llende de los llabios
el movimientu de treslación
que percibo dientro de los güeyos
los eclipses de lluna.

Fai tiempu que voi al debalu
del cuerpu qu'allumen les estrelles.

Llope

🖼️Aron Visuals

De
les
llames
amargues
d'esti horizonte
volvenos espiral d'aire
ser un abrazu infinitu de nueche fresca
facer virtú del infiernu
soledá feble
baluarte
rabia
tal
vez.

Llope

Foto: Johanes Plennio

Nun me voi sentar sobre la madera vencida
de los bancos
nun pienso mirar el mundu
dende la perspectiva rota
a la que-y da sombra los árboles.

Voi poner pasu trés pasu
como si picara nún suelu rebelde
y en pie
siempre'n pie
dicir a voces:
"Yo nun me rindo
nin espero"

Llope

3/3

Un puertu a poques milles
Volverá a servinos d'abellugu y esa
Xelada blanca que nos amenazaba
Ya nun podrá
Zurdir estos cuerpos nunca xamás.

Llope

Foto de Tuur Tisseghem