ZARAMALLU, -A, -O: ax. Baruyón, que fai apriesa y mal [les coses]. #asturianu

TRASTU o TRASTE: ax. Que ta de contino xugando, tracamundiando les coses. 2 Dau a tar de contino xugando, tracamundiando les coses. 3 Provocadora, amiga de bromes [una persona]. 4 Qu’estorba, que nun val pa nada [una persona]. 5 Con pocu xacíu, con poca formalidá [una persona]. #asturianu

FUÑICU, -A, -O: ax. De mal caráuter [una persona]. 2 Vacíu. #asturianu

SESTAFERIA, LA: sust. Trabayu a comuña [que se fai pa iguar un camín, una carretera, daqué vecinal]. 2 Día [cuando hai trabayu a comuña pa iguar un camín, una carretera, daqué vecinal]. 3 fam. Cuentu, bobada. 'Nun me vengas con sestaferies.' || A SESTAFERIA, a comuña nun trabayu vecinal. #asturianu

ENSIN TRIÑÍU, ensin parar, ensin midida [comer]. #asturianu

PURGAR: v. Llimpiar [la porquería d’un conductu, d’una sustancia]. 2 Dar [una melecina pa llimpiar los intestinos]. 3 Llimpiar [les culpes, los pecaos]. #asturianu

CORNÍN, EL: sust. dim. de cuernu. 2 Diablu. 3 Trasgu. #asturianu

LLAMBECULOS, EL/LA: sust. fam. Persona [que se rebaxa muncho combayando]. #asturianu

PICADIELLU, EL: sust. Carne [picao y adobao con pimentón, sal, ayu pa facer chorizos, pa frir]. 2 Coraes [del gochu]. || PICADIELLU BLANCO, pulmones [del gochu pa comer, pa facer chorizos]. || PICADIELLU PRIETO, fégadu [del gochu pa comer, pa facer chorizos]. #asturianu

ANDES, LES: sust. Angariyes, armazón [formáu por una tela o tableru sosteníu con dos vares horizontales que val pa llevar santos, enfermos, muertos]. #asturianu

REPRESU, -A, -O: ax. Preocupáu, esmolíu. 2 Arrepentíu [de daqué que se dixo o fixo]. 3 Que nun tien llibertá [pa dicir o facer daqué]. 4 Prendíu, coles raíces echaes [una planta, un inxertu]. #asturianu

DOIRU, EL: sust. occ. Cárcova, muriu [pa dixebrar un terrenu d’otru más altu]. 2 Parte [d’un prau, d’una finca onde s’amontona más tierra]. 3 Cantidá [de tierra de bona calidá]. 4 Borde [d’una presa cuando sobresal del terrenu]. 5 Banzáu [que se fai nun ríu pa esviar agua del calce]. #asturianu

AMENAZA, L’(A): sust. Aición y efeutu d’amenazar. 2 Dichu o fechu [col que s’amenaza]. #asturianu

MESTU, EL: sust. Pan [fecho con fariña gordo]. 2 Sitiu [onde s’axunten dos ríos]. #asturianu

MECENALGU, EL: sust. Proteición [que da un mecenes]. MECENES, EL/LA: sust. Persona [que dedica parte de la so riqueza a protexer la cultura, les artes]. #asturianu

CUAYALLECHE. sust. 'Galium verum', planta melecinable de fueyes de color verde brillante, con pelinos pela parte d'atrás y flores pequeñes doraes con arume a miel. #asturianu

GÜERIA o AGÜERIA, LA/L': sust. Cantidá [grande d’agua estancao]. 2 Terrenu [llamargoso, enllagao]. 3 Grupu [de cases que formen unidá dientro d’un pueblu, d’una ciudá]. #asturianu

FRANCIU, EL: sust. Metal alcalino de símbolu Fr [que s’atopa nel actiniu]. #asturianu

LLUNAR, ELl/LA: sust. Mancha [pequeña, escura y arredondiada que sal na piel]. #asturianu

Nel Día de la Llingua Materna convién nun escaecer que pa que les llingües propies d'Asturies sigan siendo maternes tien qu'haber tresmisión xeneracional. Pa eso, ye imprescindible -y inaplazable- un marcu d' #oficialidá que favoreza qu'asturianu y gallego-asturianu vivan munches xeneraciones más.

TAFORRU, EL: sust. 'Accipiter gentilis', azor, páxaru de presa [que vive en viesques y montes]. 2 Rapaz [baxu y gordu]. #asturianu

PISTILU, EL: sust. Muérganu sexual femenín [de les flores, con forma allargada, que s’alluga nel so centru]. #asturianu

EFEUTU IVERNADERU, Aumentu de la temperatura [de l'atmósfera pola mor de la capa de gases que producen les combustiones industriales y otres actividaes]. #asturianu

ALMUERZU, L’: sust. Primera comida [de les tres más importantes del día]. 2 Comida [que se fai dientro la mina]. #asturianu

MINCHA, LA: sust. 'Littorina littorea', moluscu marín [cola cáscara anegratada]. #asturianu

DESCÁ: alv. Hai munchu tiempu. 'Descá que foi eso'. 2 De magar, dende que. 'Descá que vieno nun tuvo en casa so madre'. #asturianu

YELSU, EL: sust. Sulfatu de calciu [hidratao, blandio, xeneralmente de color blanco, que raya cola uña y que mecío con agua úsase pa facer escultures, techos]. #asturianu

DINASTÍA, LA: sust. Conxuntu de soberanos [de la mesma familia que gobiernen a lo llargo d’un tiempu]. #asturianu

FACHENDA. (Del ital. 'faccia', y ésti del llat. 'facies'). sust. fem. Traza del presumíu. || GASTAR FACHENDA, presumir. #asturianu

CATARATA, LA: sust. Enfermedá [del güeyu que produz poco a poco la falta de tresparencia nel cristalín]. #asturianu