@shbaz.bsky.social
یہ قلم
قابل تعظیم
قابل تعریف
قابل عزت
قابل احترام
ہماری فکروں کا نگہبان
قلم کی عزت کیجیئے
قلم سے محبت کیجیئے
جب کچھ نہ ہوگا جیب میں
تب قلم کام آئے گا
زباں بندی میں بھی
پیغام پہنچائے گا
یہ قلم
شمشیر سے تیز
تیر سے نوکیلا
ڈھال سے مضبوط ہے
قلم انسان کا
سب سے بڑا ہنر ہے
سب سے وفادار دوست ہے
یہ قلم
اوزار
صنعت و حرفت کا
صحت و جراحت کا
علم و ہنر کا
شعر و ادب کا
یہ قلم
شکل بدلتا ہے
کبھی پتھر
کبھی انگلی
کبھی ہڈی
کبھی لکڑی
کبھی کی بورڈ
کبھی زبان
کبھی ماتھا
کبھی آنکھیں
لیکن تاثیر نہیں بدلتا
قلم اک ہتھیار ہے
ناقابل تسخیر
بمقابل شمشیر
قلم کی شناخت و تحریر
مٹ نہیں سکتی
ہمیشہ قائم رہتی ہے
ہمیشہ اثر رکھتی ہے
یہ قلم
انسان کی انسانیت کا نشان ہے
مشکل میں جدوجہد کا پیغام ہے
یہ قلم تو خود ایک وجدان ہے
یہ قلم
امن کا پیامبر ہے
وہیں
قہر کا پیغام بر ہے
قلم انسان کی ایک عظیم ایجاد
قلم تفریق کرتا ہے
انسان اور حیوان میں
انسان اور بندر میں فرق
ریڑھ کی ہڈی کا نہیں
فرق صرف پانچ انچ کے قلم کا ہے
قلم محتاج نہیں کسی شے کا
جب کچھ نہیں ہوتا
انگشت قلم بنتی ہے
زباں قلم بنتی ہے
قلم اک استعارہ ہے
انسان کی عظمت کا
انسان کی بلندی کا
